மாநிலங்களுக்கு இடையேயான சரக்கு போக்குவரத்துக்கு நாளை முதல் ‘இ-பில்’ கட்டாயம்

புதுடெல்லி,

நாடு முழுவதும் சரக்கு மற்றும் சேவை வரியை (ஜி.எஸ்.டி.)
அமல்படுத்திய மத்திய அரசு, வரி ஏய்ப்பை கட்டுப்படுத்த
மாநிலங்களுக்கு இடையேயான சரக்கு போக்குவரத்துக்கு
எலக்ட்ரானிக் பில் அல்லது ‘இ-பில்’ கட்டாயம் என
அறிவித்தது.

இந்த வழிமுறை கடந்த பிப்ரவரி மாதம் 1-ந்தேதி
அமல்படுத்தப்பட்டது.

ஆனால் இதற்கான அனுமதி வழங்கும் எந்திரத்தில் கோளாறு
ஏற்பட்டதால் இந்த நடைமுறை பின்னர் தற்காலிகமாக
நிறுத்தப்பட்டது. அதைத்தொடர்ந்து எலக்ட்ரானிக் பில்
அல்லது இ-பில் வழங்கும் தளம் (போர்ட்டல்) சீரமைக்கப்பட்டது.
அதன்படி நாளொன்றுக்கு கிட்டத்தட்ட 75 லட்சம் ‘பில்’
வழங்கும் வகையில் அது உறுதியாக்கப்பட்டு இருக்கிறது.

இதைத்தொடர்ந்து இந்த மாத தொடக்கத்தில் நடந்த ஜி.எஸ்.டி.
கவுன்சில் கூட்டத்தில் மாநிலங்களுக்கு இடையேயான சரக்கு
போக்குவரத்துக்கு ஏப்ரல் 1-ந்தேதி (நாளை) முதலும்,
மாநிலங்களுக்கு உள்ளே நடைபெறும் போக்குவரத்துக்கு
15-ந்தேதி முதலும் இ-பில் கட்டாயமாக்குவது என முடிவு
செய்யப்பட்டது.

அதன்படி நாளை முதல் மாநிலங்களுக்கு இடையேயான
சரக்கு வர்த்தகம் மற்றும் போக்குவரத்துக்கு எலக்ட்ரானிக்
பில் அல்லது இ-பில் கட்டாயம் என அரசு அறிவித்து உள்ளது.
-
----------------------
தினத்தந்தி