இரக்கமுள்ள நாடுதானா இது: டுவிட்டரில் கொந்தளித்த சானியா மிர்சா

-

]புதுடில்லி:
காஷ்மீரின் கதுவா நகரில் 8 வயது சிறுமியும்,
உத்தரப் பிரதேசம் உன்னாவ் மாவட்டத்தில் இளம்பெண்ணும்
பாலியல் பலாத்காரம் செய்யப்பட்ட சம்பவத்துக்கு
விளையாட்டு பிரபலங்களும் கண்டனத்தை டுவிட்டரில்
பதிவு வருகின்றனர்.

இந்திய கிரிக்கெட் அணியின் கவுதம் கம்பீர்

உன்னாவ் நகரிலும், கதுவாவிலும் பலாத்காரம் செய்யப்
பட்டுவிட்டதன் மூலம் ''இந்தியர்களின் மனசாட்சி
பலாத்காரம் செய்யப்பட்டுவிட்டது. தவறு செய்தவர்கள்
இந்த நிர்வாக முறையால் தண்டிக்கப்படுவார்களா?.

நான் சவால் விடுகிறேன்.பாதிக்கப்பட்டு கொலை
செய்யப்பட்ட சிறுமி உங்களில் ஒருவரின் மகளாக
இருந்தால் என்ன செய்வீர்கள்?''

டென்னிஸ் வீராங்கனை சானியா மிர்சா

''இது உண்மையில் இரக்கமுள்ள நாடுதானா, நம்முடைய
இனம், பாலினம், மதம் ஆகியவற்றை மறந்து கதுவாவில்
பலாத்காரம் செய்து கொல்லப்பட்ட 8 வயது சிறுமிக்கு
நியாயம் கிடைக்க நாம் குரல் கொடுக்காவிட்டால்,
நாம் இந்த உலகில் வேறு எதற்கு நாம் ஆதரவாக குரல்
கொடுக்கப் போகிறோம்.

பாதிக்கப்பட்ட குடும்பத்துக்கு நீதி கிடைக்கும் என
நம்புகிறேன்'' என சானியா மிர்சா தெரிவித்துள்ளார்.
-
--------------------------------------
தினமலர்