வாழ்க்கை....

ஒரு துளி ஜலத்தை எடுத்து நன்றாகக் காய்ந்த இரும்பின் மேல் விட்டால் அத்துளி இருந்த இடமே தெரியாமல் போய்விடுகிறது. அதே துளியைத் தாமரை இலையில் விட்டால் முத்து போல் காணப்படுகிறது. மறுபடியும் அதே ஜலமானது சமுத்திரத்தின் மத்தியிலிலுள்ள சிப்பியில் இட்டால் அது உண்மையாகவே முத்தாகி விடுகிறது. அதுபோல அதமனுக்கும், மத்தியமனுக்கும், உத்தமனுக்கும் அவரவர்கட்கு ஏற்றவாறு பலன் கிடைக்கும். இங்கு இரும்பு அதமனுக்கும், தாமரை இலை மத்தியமனுக்கும், சிப்பி உத்தமனுக்கும் உவமையாகக் கூறப்பட்டுள்ளது.

இதுதான் நம் வாழ்வின் கடைசிதினம் என்ற உணர்ச்சியுடன் ஒவ்வொரு நாளையும் நாம் மிக்க பயனுடையதாய்ச் செலவிட வேண்டும்.

அளவுக்கு மீறி பணம் சேர்க்க வேண்டும் என்ற வெறியில் உங்களை நீங்கள் வாட்டிக் கொள்ளாதீர்கள். உண்மையான உழைப்பின் துணை கொண்டு, நியாயமாகக் கிடைப்பதை நன்கு அனுபவிக்கும் மனோபாவத்தை வளர்த்துக் கொண்டவனுடைய வாழ்க்கை சுவையுடையதாய் இருக்கும்...!

ஒரு சிறுவனிடம் இப்போது உனக்கு ஒரே ஒரு பிஸ்கட் தருவேன். ஆனால் நீ பொறுமையாக இருந்தால் நாளை ஒரு பாக்கெட் பிஸ்கெட் தருவேன்...

ஒரு பிஸ்கட்டா அல்லது ஒரு பாக்கெட் பிஸ்கட்டா..? இன்றா..? நாளையா..? என்று கையில் ஒரு பிஸ்கட்டை வைத்துக்கொண்டு கேட்டுப்பாருங்கள்...

‘எனக்கு ஒரு பிஸ்கட் இப்போதே வேண்டும்’ என்று கூறி கையிலுள்ளதைப் பறித்துக் கொள்வான்...

நம்மில் பலர் நாளை ஒரு பாக்கெட் பிஸ்கட் வரும் என்று எண்ணிக்கொண்டு...

இப்போது கையிலிருக்கும் ஒரு பிஸ்கட்டை உண்ணாமல் பட்டினி இருக்கிறோம்...!

கயிற்றில் போட்ட முடிச்சுக்களைக் காட்டி, ”இதை அவிழ்க்க முயலுங்கள்” என்றார் புத்தர்.

”அதற்கு முன் முடிச்சு போடுவதை நான் பார்த்திருக்க வேண்டும்” என்றார் அவரது சீடர் .

பாராட்டிய புத்தர் சொன்னார், ”ஒரு சிக்கல் ஏற்படுகிறதென்றால், அதற்குள் எப்படி மாட்டிக் கொண்டோம் என்பதைக் கண்டுபிடியுங்கள்.

அதிலிருந்து வெளிவரும் வழி தானாகத் தெரியவரும்.”

பலரும் சிக்கல்களைத் தீர்க்கும் அவசரத்தில் அவை உருவான விதத்தை உணர்வதேயில்லை...!

வாழ்க்கை தத்துவங்கள் மிக மிக அருமை.



நன்றி