இலங்கையில் சிவப்பு மழை..! இந்தியாவில் மஞ்சள் மழை…! – பாதுகாப்பான இடங்களை நோக்கி மக்கள் ஓட்டம்

அண்மை நாட்களாக இலங்கையில் பல பாகங்களிலும் சிகப்பு மழை மற்றும் மீன் மழை பெய்துள்ளதோடு மட்டுமன்றி வானத்திலிருந்து மர்மப்பொருட்கள் பூமியை நோக்கி விழுந்து வருகின்றன.கிராமத்திலேயே மஞ்சள் மழை பெய்துள்ளது.

குறித்த பகுதியில் வானம் மேகமூட்டத்துடன் இருண்டு காணப்பட்ட நிலையில் திடீரென மஞ்சள் நிறத்தில் மழைத்தூறல் விழ ஆரம்பித்துள்ளது. இதைப் பார்த்தவர்கள் அதிர்ச்சியடைந்து, மழைத்தூறலை கைகளால் துடைத்தபோது மஞ்சள் நிறத்திலான மா போன்று காணப்பட்டது.

இதனால் அச்சமடைந்த சிலர் அங்கிருந்து பாதுகாப்பான இடங்களை நோக்கி ஓடினர். மஞ்சள் தூறல் இரண்டு நிமிடம் வரை நீடித்தது. மஞ்சளாக பெய்தது அமில மழை என தகவல் பரவியதைத் தொடர்ந்து, கிராம மக்கள் ஏராளமானோர் அங்கு திரண்டனர் இதனால் அங்கு பரபரப்பு நிலவியதாக சில ஊடகங்களில் செய்திகள் வெளியாகியுள்ளன.

எனினும் இது தொடர்பான தகவல்களை ஊர்ஜிதப்படுத்த முடியவில்லை என்பதனை தெரிவித்துக்கொள்கின்றோம்.

மேலும், எம்பிலிபிட்டிய, சீய கனுவ கொடிகந்த பிரதேசத்திலும் நேற்று இரவு மீன் மழை பெய்துள்ளதாக தெரிவிக்கப்படுகின்றது.

இதேவேளை மாத்தறை கம்புறுபிட்டிய மாபளானையில் அமைந்துள்ள ருஹுனு பல்கலைக்கழகத்தின் விவசாய பிரிவு வளாகத்திளும் நேற்று பகல் வேளையில் மீன் மழை பெய்திருந்தது.

நன்னீர் மீன்களான உங்கா மற்றும் லூலா ஆகியனவே இவ்வாறு மழையுடன் வீழ்ந்திருந்தன.

அப்பகுதியில் ஏற்பட்ட சுழற்காற்று காரணமாகவே இந் நிலை ஏற்பட்டிருக்கலாம் என அதிகாரிகள் தெரிவித்திருந்தனர்.

சுழற்காற்று காரணமாக கடல் நீர் அல்லது நன்னீர் மேலிழுக்கப்படுவதால் அதிலுள்ள மீன்களும் சேர்ந்து மேலிழுக்கப்பட்டு அது மழையாகப் பொழியும் போது மீன்களும் விழுவதாகவும் ஆராய்ச்சியாளர்கள் தெவிக்கின்றனர்.

நாட்டின் பல பகுதிகளில் நேற்றும் சிவப்பு மழை பெய்த சம்பவங்கள் பதிவாகியிருந்தன.

இதுமட்டுமன்றி புளத்சிங்கள கோவின்ன பகுதியில் நேற்று முந்தினம் ஜெலி போன்ற திரவத்துடன் கூடிய மழை பெய்ததாக ஊடகங்கள் சில செய்தி வெளியிட்டுள்ளன.

உலகம் அழிய போறது உறுதியாயிட்டு

முரளிராஜா wrote:உலகம் அழிய போறது உறுதியாயிட்டு

அப்படியா