கவிதை பாடும் நேரம்-"கனவுகளின் கோப்புகள்"

by வனவாசி Sun Dec 30, 2012 8:36 am

எனக்கான அறையது....
கனவுகளால் நிரம்பி
வழிகின்றது....

அதிலே
அவற்றிலேயே
வசிப்பது
வாசிப்பது
சுவாசிப்பது...
என யாவையும்....

எண்ணிலும் என்னிலும்
அடங்கா எனது
கனவுகளை எண்ணுகிறேன்....

அவையோ,
என் ஓசை கேட்டு
வீட்டின் மூலை முடுக்குகளில்
ஓடி ஒளிந்துகொள்கின்றன....!

"ஏன் என்னைப் பார்க்க பயமா?"

என்றேன் அவைகளிடம்...
அவையோ
உஷ்....சத்தமிடாதே...!
உன் கனவுகள் உறங்கும் நேரமிது
என்று காதருகே கூறிச்சென்றன...
ரகசியமாய்.

எப்போது அவை
விழிக்கும் என்று
காத்துக் கிடந்தேன்
ஒவ்வொருநாளும்.....

நான் உறங்கப்போகும்
நேரம் அவை விழிக்கும் என்ற
சங்கதி அறியாமல்...!