டயட் பட்டர் சிக்கன் (Diet Butter Chicken)

பட்டர் சிக்கனில் அதிக அளவு கலோரிஸ் இருப்பதால் அதன் கலோரிஸ் அளவினை
சிறிது குறைந்து செய்யப்படும் க்ரேவி தான் இந்த டயட் பட்டர் சிக்கன்.

தேவையான பொருட்கள் :

சிக்கன் (Boneless Skinless Chicken Breast) – 2
· பட்டர் – 1 மேஜை கரண்டி

வேகவைத்து அரைத்து கொள்ள :

· சீரகம் – 1 தே.கரண்டி
· தனியா தூள் – 1 தே. கரண்டி
· மிளகாய் தூள் – 1/2 தே.கரண்டி
· வெங்காயம் – 1 பெரியது
· தக்காளி – 2
· இஞ்சி பூண்டு விழுது – 1 மேஜை கரண்டி
· Dried Methi Leaves – 1 மேஜை கரண்டி
· உப்பு – சிறிதளவு

சிக்கனுடன் சேர்த்து கொள்ள :

· இஞ்சி பூண்டு விழுது – 1 மேஜை கரண்டி
· லெமன் ஜுஸ் – 1 மேஜை கரண்டி
· மஞ்சள் தூள் – 1 தே.கரண்டி
· சிக்கன் மசாலா தூள் – 1 மேஜை கரண்டி

(சிக்கன் மசாலா தூளிற்கு பதிலாக கரம் மசாலா தூள் அல்லது மிளகாய்தூள்,
தனியா தூள் என்று உங்கள் விருப்பத்திற்கு ஏற்றாற் போல கலந்து கொள்ளவும்.)

கடைசியில் சேர்க்க :

· ரெட் கலர் – சிறிதளவு(விரும்பினால் சேர்த்து கொள்ளுங்க)
· கெட்சப் (Tomato Ketchup ) – 1 தே.கரண்டி
· சக்கரை – 1/2 தே.கரண்டி
Whole Milk – 1/2 கப் (விரும்பினால் சேர்த்து கொள்ளவும். அல்லது க்ரீம் சேர்க்கலாம்)

செய்முறை :

சிக்கனை சிறிய துண்டுகளாக வெட்டி அதில் கலந்து கொள்ள கொடுத்துள்ள பொருட்களை சேர்த்து கலந்துவைக்கவும்.

வெங்காயம் + தக்காளியினை வெட்டி வைத்து கொள்ளவும். கடாயில் சீரகம் +
தூள் வகைகள் + வெங்காயம் + தக்காளி + இஞ்சி பூண்டு விழுது சேர்த்து 1
நிமிடம் வதக்கவும்.

இத்துடன் 1 கப் தண்ணீர் + காய்ந்த மேத்தி கீரையினை பொடித்து போட்டு 10 நிமிடங்கள் வேகவிடவும்.

இது வேகும் நேரத்தில், சிக்கனி 400Fயில் முற்சூடு செய்த அவனில் Broil Modeயில் வேகவிடவும்.

10 – 12 நிமிடங்கள் கழித்து அவனில் உள்ள சிக்கன் ட்ரேயினை வெளியில்
எடுத்து சிக்கனை திருப்பிவிட்டு மேலும் 3 – 4 நிமிடங்கள் வேகவிடவும்.
(சிக்கனில் இருந்து வெளி வந்த ட்ரேயில் உள்ள தண்ணீரினை தனியகா வைத்து
கொள்ளவும்.)

வேக வைத்த வெங்காயம் +தக்காளியினை மிக்ஸியில் போட்டு வேகவைத்து கொள்ளவும்.

அரைத்த விழுதினை, கடாயில் ஊற்றி கொதிக்கவிடவும்.

இத்துடன், சிக்கன் தண்ணீர்(ட்ரேயில் இருந்து எடுத்தது) + விரும்பினால்
சிறிது Whole Milk சேர்த்து கொள்ளுங்க. இத்துடன் tomato ketchup + ரெட்
கலர் + சக்கரை சேர்த்து கொள்ளவும்.

கடைசியில் வேகவைத்த சிக்கன் + பட்டர் சேர்த்து 5 நிமிடங்கள் வேகவிடவும்.

சுவையான எளிதில் செய்ய கூடிய பட்டர் சிக்கன் ரெடி.

குறிப்பு :

· ரிச்சாக இருக்க வேண்டும் என்றால் பட்டரினை அளவினை அதிகம் சேர்த்து கொள்ளுங்க…

· வெங்காயம் வேகவைக்கும் பொழுதும் சரி…அல்லது அரைத்த விழுதினை கடாயில்
சேர்க்கும் பொழுது பட்டரினை 1 மேஜை கரண்டி சேர்த்து கொண்டால் கூடுதல்
சுவையுடன் இருக்கும்.

· கண்டிப்பாக சிக்கனை முதலில் வேகவைத்த பிறகு தான் சேர்க்க வேண்டும்.
அப்படியே சேர்த்தால் கண்டிப்பாக் சுவையில் வித்தியாசம் இருக்கும்.

· அவனில் செய்ய முடியவில்லை என்றால், முதலில் கடாயில் போட்டு வேகவைத்து கொள்ளவும்.

· சிக்கனை பொரித்தும் கூட சேர்க்கலாம். ஆனால் அவனில் செய்தால் இன்னும் டேஸ்டியாக சுவையாக இருக்கும்.




நன்றி:http://www.tamilcloud.com