சங்கீத மொக்கைகள்

சங்கீத சீஸன் மொக்கைகள்

”பாடிகிட்டு இருக்கும் போதே உயிர் போயிடணும்ங்கிறதுதான் இந்த வித்வானோட ஆசையாம்”

“அவருக்கா நமக்கா?”

*****************************************************************************

”பாடகர் பாட்டுக்கு நடுவுல அப்பப்ப எஸ்.பி.பாலசுப்ரமணியம் மாதிரி சிரிக்கிறது புது ஸ்டைலா இருக்கில்லே?”

“நாசமாய்ப் போச்சு, ஸ்டைலா அது? வில்லால பாடகர் விலாவுல வயலின்காரர் குத்திகிட்டே இருக்காரு”

*****************************************************************************

”என்னங்க இது ராக ஆலாபனை ஆரம்பிக்கும் போது சிகரெட்டைப் பத்த வெச்சிக்கிறாரு இந்த வித்வான்?”

“கார்வையெல்லாம் வரும் போது தம் பிடிச்சிப் பாடணும்ன்னு குரு சொல்லியிருக்காராம்

******************************************************************************

”போஸ்டரைப் பார்த்தீங்களா.. நம்ம ஊர் கர்நாடக சங்கீதம் பஞ்சாப் வரைக்கும் பரவியிருக்குன்னு தெரியறப்போ ரொம்ப சந்தோஷமா இருக்கு”

“எங்கேய்யா போட்டிருக்கு?”

“பக்கவாத்தியம் வாசிக்கிறவங்கள்ள ஒருத்தர் பேரு மோர்சிங்ன்னு போட்டிருக்கு பாருங்க”

****************************************************************************

”அவர் வீணையை மீட்டினா இன்னைக்கெல்லாம் கேட்டுகிட்டு இருக்கலாம். ஏன் இந்த வருஷம் அவர் கச்சேரி இல்லை?”

“மீட்டல்லையாம்”

“அதான் ஏன்னு கேட்கிறேன்”

“சேட்டுக் கடையிலேர்ந்து வீணையை இன்னும் மீட்டல்லியாம்”

*****************************************************************************

”அந்த வித்வான் புன்னாகவராளி பாடினா பாம்பு வரும். அமிர்தவர்ஷினி பாடினா மழை வரும். அப்படிப்பட்ட வித்வான் இன்னைக்குப் பிச்சை எடுத்துகிட்டு இருக்கார்ங்கிறியே?”

“எதைப் பாடினாலும் காசு வர்லையாம்”

*****************************************************************************

”இப்பல்லாம் எல்லாப் பாடகர்களும் கச்சேரிக்கு நடுவில இடைவேளை விடறாங்களே.. இவர் ஏன் விடறதில்லை”

“விட்டா ஓடிடுவாங்களே..”

அனைத்தும்

எல்லாமே சூப்பர்