நல்ல தகவல் பழங்கள்

by kanmani singh Thu Feb 07, 2013 11:33 am

காய்கறிகளும் பழங்களும் தினமும் சாப்பிடுவதால் ஆரோக்கியம் நம்மோடு கூடவே இருக்கும். ஒரு நாளைக்கு 100 கிராம் காய்கறிகள், 100 கிராம் பழங்கள் உண்பது மிகவும் நல்லது. ஆப்பிள், ஆரெஞ்ச், திராட்சை என விலை உயர்ந்த பழங்களைத்தான் உண்ண வேண்டும் என்பதில்லை. வாழைப்பழம், கொய்யா, தக்காளி போன்ற பழங்களைகூட தினமும் உண்ணலாம். நன்கு கனிந்த பழங்களை உண்பதால்தான் நல்ல பலனை பெற முடியும். ஆனால், அழுகும் நிலையில் உள்ள பழங்களை எக்காரணம் கொண்டும் உண்ணக்கூடாது. அந்த ரசாயன மாற்றங்கள் நம் உடலில் ஆபத்தான விளைவுகளை ஏற்படுத்தும். ஒரு சிலர் பழங்களின் அழுகிய பகுதிகளை மட்டும் நறுக்கிவிட்டு மீதமான பகுதியை உண்பார்கள். இது மிகவும் ஆபத்தான பழக்கம். உடலில் ஒவ்வாமை ஏற்பட்டு அஜீரணம், வயிற்றில் வலி, வாந்தி, மயக்கம், நரம்பு தளர்ச்சி போன்ற பாதிப்புகள் உருவாகும்.