உடல் பருமனானவர்கள் அதிகம் உள்ள நகரங்களில் சென்னைக்கு 2வது இடம்

உடல் பருமனானவர்கள் அதிகம் உள்ள நகரங்களில் சென்னைக்கு 2வது இடம்





கொச்சி: "நாட்டிலேயே, கொச்சியில்தான், உடல் பருமனானவர்கள் அதிகம்
உள்ளனர்' என, ஆய்வு ஒன்றில் தெரிவிக்கப்பட்டுள்ளது. உடல் பருமனானவர்கள்,
எந்த நகரத்தில் அதிகமாக உள்ளனர் என்பது தொடர்பாக, அரசு சார்பற்ற அமைப்பு
ஒன்றின் சார்பில், ஆய்வு நடத்தப்பட்டது. இந்த ஆய்வு, டில்லி, லூதியானா,
ஜெய்ப்பூர், மும்பை, கோல்கட்டா, ஆமதாபாத், நாக்பூர், சென்னை, பெங்களூரு,
ஐதராபாத் மற்றும் கொச்சி என, 11 நகரங்களில் நடந்தது. தனி நபர்கள் மற்றும்,
8,000 குடும்பங்களைச் சேர்ந்தவர்களிடம் நடத்தப்பட்ட இந்த ஆய்வில், கொச்சி
நகரில், உடல் பருமனானவர்கள் அதிகம் வசிப்பது தெரிய வந்துள்ளது. கொச்சியின்,
மொத்த மக்கள் தொகையில், 46 சதவீதம் பேர், உடல் பருமனானவர்கள். இவர்களில்,
42 சதவீதம் பேர், நீரிழிவு, ரத்தக் கொதிப்பு, இதய நோய், ரத்தத்தில்
கொழுப்பின் அளவு அதிகமாக இருத்தல், தூக்கமின்மை, நெஞ்சு எரிச்சல், தைராய்டு
கோளாறு, ஆஸ்துமா, புற்றுநோய் என, ஒவ்வொருவரும், ஒவ்வொரு விதமான நோயால்
பாதிக்கப்பட்டுள்ளனர். உடல் பருமனானவர்கள் அதிகம் உள்ள நகரங்கள்
பட்டியலில், சென்னை இரண்டாமிடத்தில் உள்ளது. ஆய்வுக்கு எடுத்துக்
கொள்ளப்பட்ட, 11 நகரங்களிலும், குழந்தைகள் மற்றும் வாலிபர்கள், முந்தைய
ஆண்டுகளில் இருந்தவர்களை ஒப்பிடும் போது, தற்போது உடல் பெருத்தே
காணப்படுகின்றனர். இவர்களில் பலர், உடல் எடையை குறைக்க எந்த நடவடிக்கையும்
எடுக்கவில்லை; உடல் நலத்தை பேண வேண்டும் என்பதிலும், அக்கறை காட்டுவதில்லை
என்பது, ஆய்வில் தெரியவந்துள்ளது.


http://www.dinamalar...l.asp?Id=633273

நகரவாசிகளின் வாழ்க்கை சூழல் இப்ப டியாகிவிட்டது.