உருளைக்கிழங்கு அப்பளம்

தேவையானவை:
1. உருளைக்கிழங்கு – அரை கிலோ
2. ஜவ்வரிசி – அரை கிலோ
3. மிளகாய்ப்பொடி – 4 தேக்கரண்டி
4. தேங்காய் எண்ணெய் – 50 கிராம்
5. உப்பு, பொடித்த பெருங்காயம் – தேவையான அளவு
6. அரிசி மா அல்லது மைதா மா – 100 கிராம் (அப்பளம் இட தேவையான அளவு)

செய்முறை:
ஜவ்வரிசியை முதலில் சுத்தம் செய்து கொண்டு, கிரைண்டரில் மென்மையாக அரைத்துக் கொள்ளவும். உருளைக்கிழங்கை நன்றாக அலம்பி தோலுடன் வேகவைத்து, ஆறிய பின் தோலை உரித்து மசித்துக் கொள்ளவும்.

மசித்த உருளைக்கிழங்குடன், ஜவ்வரிசி மாவு, மிளகாய்ப்பொடி, உப்பு பெருங்காயம் இவற்றைக் கலந்து நன்றாக பிசைந்து கொள்ளவும். பிறகு கல்லுரலில் சிறிது எண்ணெய் தடவிக்கொண்டு, மேற்கூறிய கலவையை போட்டு சிறிது சிறிதாக எண்ணெய் தொட்டுக்கொண்டு மென்மையாக இடித்துக் கொள்ளவும்.

இடித்த மாவை தேவைக்கேற்ப சிறு சிறு உருண்டைகளாக உருட்டிக்கொண்டு, அரிசி மா அல்லது மைதா மா தொட்டுக்கொண்டு அப்பளமாக இடவும். இட்ட அப்பளங்களை உடனே வெயிலில் உலர்த்தி எடுக்கவும். அரை கிலோ உருளைக்கிழங்கில் 75 அப்பளம் வரை கிடைக்கும்



நன்றி:http://amma.oorodi.com/

சிவா , எப்ப இதெல்லாம் செய்ய ஆரம்பிச்ச

இப்பவே டிரெய்னிங் எடுக்கிறாப்ல

ஜாதகம் பார்க்குற மென்பொருள் கேட்கும்போதே சிவாவுக்கு கல்யாண ஆசை வந்துவிட்டது என்று நினைத்தேன்