எளிமையின் மறு உருவம் நீதிபதி சந்துரு

சென்னை உயர் நீதிமன்ற நீதிபதி கே.சந்துரு, மார்ச், 8ம் தேதி பணி ஓய்வு பெற்றார். வழக்கமாக நீதிபதிகள் பணி ஓய்வு பெறும் போது, நட்சத்திர ஓட்டலில் பிரிவு உபசார விழா நடத்துவர். "எனக்கு பிரிவு உபசார விழா நடத்த வேண்டாம்' என, தலைமை நீதிபதிக்கு ஏற்கனவே, வேண்டுகோள் விடுத்திருந்தார் நீதிபதி சந்துரு.வக்கீல்கள் கோர்ட் புறக்கணிப்பு நடத்திய போதும், கோர்ட் ஹாலுக்கு வந்து அமர்ந்து, லிஸ்டில் இருந்த வழக்குகளை கவனித்தார் இவர். நீதிபதிக்கு உரிய கார் சாவியை, தலைமை நீதிபதி வசம் ஒப்படைத்த போது, தனது நாளது தேதிய சொத்து விவரங்களையும் தந்தார், நீதிபதி சந்துரு.பின், அவரது அறைக்குச் சென்று பழைய நண்பர்கள், வக்கீல்களுடன் உரையாடினார். வேட்டி, சட்டை அணிந்தபடி, பத்திரிகையாளர்களுடன், தன் நினைவுகளை பகிர்ந்து கொண்டார். அங்கிருந்து நண்பர்களுடன் நடந்து, பீச், ரயில் நிலையம் சென்று, ரயிலில் மயிலாப்பூர் சென்றடைந்தார்.கோர்ட்டுக்கு புறப்படும் போதும், திரும்பும் போதும், டபேதார், "பராக், பராக்' என்று கூவிக் கொண்டே, நீதிபதிக்கு முன் செல்லும் வழக்கத்தை, இவர் புறக்கணித்தார்.

நீதிபதிக்குரிய தனி பாதுகாப்பு அதிகாரி, பணியாளர்கள் வேண்டாம் என, தெரிவித்து விட்டார்.இவரது கோர்ட் ரூம் வாசலில், "யாரும் கடவுள் அல்ல, மாலை வேண்டாம்; யாருக்கும் பசி இல்லை, பழங்கள் வேண்டாம்; யாரும் குளிரில் நடுங்கவில்லை, சால்வை வேண்டாம்' என, எழுதி ஒட்டியிருந்தார்.

அரசியல் செல்வாக்கு, தலையீடு ஊடுருவும் நீதித் துறையில், எளிமை, நேர்மை, திறமை மிக்க நீதிபதி சந்துருக்கள் நிறைய பேர் தேவை. கலி காலத்திலும் இப்படி சிலர் இருப்பதால் தான், இன்னும் கொஞ்சம் நம்பிக்கை மிஞ்சியுள்ளது.நீதித் துறை, காவல் துறை, ஐ.ஏ.எஸ்., அதிகாரிகள் துணிவு, நேர்மையுடன் இருந்தால் எந்த கொம்பன் ஆட்சி நடத்தினாலும், அராஜகம் செய்ய முடியாது. ஏழைகள், பாமரர்கள் வாழ்க்கையிலும் நிம்மதி நிலவும்.


எச்.சரவணன், சென்னை @ தினமலர்

எளிமையாளர்கள் இன்னும் இருந்துகொண்டுதான் இருக்கின்றார்கள்..

இப்படிப்பட்டவர்கள் வாழ, வளர, உயர இவ்வுலகம் இடமளிக்க வேண்டும்

இவரை பற்றி படிக்கும்போதே இந்த காலத்திலும் இப்படிப பட்ட மா மனிதர்கள் வாழ்ந்து கொண்டு இருக்கிறர்கள் என்றறியும் போது நமது தமிழகத்தை எண்ணி பெரூமைஅடைகிறேன்.

போற்றப்பட வேண்டிய மனிதர்

பணிவுடன் தெரிவித்து கொள்கிறேன்

நானும் எனது பணியில் இருந்து ஒய்வு பெறும்போது எனது மேலதிகாரிகள் நான் வீட்டிற்கு செல்ல ஏற்பாடு செய்திருந்த கார் வேண்டாம் என்று சொல்லி நான் முதன்முதலாக சென்ற பேருந்திலேயே வீட்டிற்கு திரும்பி வந்ததை நினைவு கூர்கிறேன்

முழுமுதலோன் wrote:பணிவுடன் தெரிவித்து கொள்கிறேன்

நானும் எனது பணியில் இருந்து ஒய்வு பெறும்போது எனது மேலதிகாரிகள் நான் வீட்டிற்கு செல்ல ஏற்பாடு செய்திருந்த கார் வேண்டாம் என்று சொல்லி நான் முதன்முதலாக சென்ற பேருந்திலேயே வீட்டிற்கு திரும்பி வந்ததை நினைவு கூர்கிறேன்

உங்களுடன் பழகுவதில் மிகவும் பெருமைபடுகிறேன் ஐயா