திருக்குறள் - சென்ரியூ 13

by கவியருவி ம. ரமேஷ் Sat Apr 20, 2013 4:39 pm

குறள் 13:
விண்இன்று பொய்ப்பின் விரிநீர் வியனுலகத்து
உள்நின்று உடற்றும் பசி.
கலைஞர் உரை:
கடல்நீர் சூழ்ந்த உலகமாயினும், மழைநீர் பொய்த்து விட்டால் பசியின் கொடுமை வாட்டி வதைக்கும்.
மு.வ உரை:
மழை பெய்யாமல் பொய்படுமானால், கடல் சூழ்ந்த அகன்ற உலகமாக இருந்தும் பசி உள்ளே நிலைத்து நின்று உயிர்களை வருத்தும்.
சாலமன் பாப்பையா உரை:
உரிய காலத்தே மழை பெய்யாது பொய்க்குமானால், கடல் சூழ்ந்த இப்பேருலகத்தில் வாழும் உயிர்களைப் பசி வருத்தும்.

ம. ரமேஷ் சென்ரியு

கருகும் பயிர்கள்
பயனில்லை
கடல் நீர்

பரந்த வயல்வெளி
கருகியது
மழையில்லை

வயல்வெளி
கருகியது
விவசாயியின் மனம்

by கவியருவி ம. ரமேஷ் Sat Apr 20, 2013 4:39 pm

ஹிஷாலியின் சென்ரியு

பரந்த கடல்
பாலைவனம்
பயிர்கள் ...!

பசியின் கொடுமை
பொய்யான மழை
பயன்படா கடல்

பார்
பசி
விண்ணின்று...!

by கவியருவி ம. ரமேஷ் Sat Apr 20, 2013 4:39 pm

தளிர் சென்ரியு

பொய்த்த மழை
தவித்தது
பசித்த வயிறுகள்

மழை பொய்த்தால் பசியால் உலகம் தவிக்கும்.

ஆழீ நீர்
அகற்றுமா
ஆழியின் பசி!

கடலளவு நீர் இருப்பினும் உலகத்தின் பசியை கடலால் தீர்க்க முடியாது

by ஸ்ரீராம் Sat Apr 20, 2013 5:22 pm

விளையும் பயிர்
வாடியது
மழை இல்லை

இது சரிதானா கவி?

by கவியருவி ம. ரமேஷ் Sat Apr 20, 2013 8:24 pm

ஸ்ரீராம் wrote:விளையும் பயிர்
வாடியது
மழை இல்லை

இது சரிதானா கவி?

மிகவும் சரி... ஆனால் கொஞ்சம் வரிகளில் மாற்றம் தேவை. கைதட்டல்

இப்படி:

மழை இல்லை
வாடியது
விளைந்த பயிர்

மாற்றத்திற்கான காரணம் :

தங்கள் கவிதையைப் படிக்கும்போது நேரடியாக பொருள் தெரிகிறது.

எப்படி தெரிகிறது என்று பார்ப்போம்.

விளையும் பயி்ர்
வாடியது - என்றால் எல்லாருக்கும் தெரியும்... பாசன வசதியோ... மழையோ இல்லை என்று...

நான் மாற்றியதைப் படித்தால்...

மழை இல்லை
வாடியது - எது வாடியது? யார் மனசாவது வாடியதா? ஏன் வாடியது? என்று பொருள் விரிந்து...

கடைசியில் மனத்தை விட விளைந்த பயிர்கள் முக்கியமல்லவா... அதனால் விளைந்த பயிர் என்று முத்தாய்ப்பாய் முடிக்கிறோம்.

அதனால்தான் பெயர்ச் சொற்கள் இறுதி அடியில் வர வேண்டும் - இலக்கணம் வகுக்கப்பட்டுள்ளது.

தொடர்ந்து எழுதுங்கள்... சிறிய மாற்றங்களை செய்துதருகிறேன்...

எழுத முன் வந்தமைக்கு மகிழ்ச்சியும் அன்பும். கொண்டாட்டம்

by Sponsored content

திருக்குறள் - சென்ரியூ 13

திருக்குறள் - சென்ரியூ 13

Re: திருக்குறள் - சென்ரியூ 13

Re: திருக்குறள் - சென்ரியூ 13

Re: திருக்குறள் - சென்ரியூ 13

Re: திருக்குறள் - சென்ரியூ 13

Re: திருக்குறள் - சென்ரியூ 13