வீராங்கனையாக மாறிய மணப் பெண்

by ஸ்ரீராம் Sun Mar 31, 2013 12:11 am

திருமணம் முடிந்தவுடன் ஒரு பெண் கணவன் வீட்டுக்கு மட்டும் இல்லத்தரசி ஆகிறாள். ஆனால் அமெரிக்காவில் திருமணம் முடிந்தவுடன் ஒரு ஊருக்கே இதய அரசியாகியிருக்கிறார் ஒரு பெண். சில நாட்களுக்கு முன் கன்னேடிகாட் நகரில் ஆடம்பரமாக ஒரு திருமணம் நடந்தது. மணமகனுடன் புதுமணப் பெண் ஜார்கெட் கிளெமன்ஸ் காரில் அழைத்துச் செல்லப்பட்டார்.

கார் பிரிட்ஜ்போர்ட் பகுதி வழியாக செல்லும் போது, ஒரு வீட்டிலிருந்து கடுமையாக புகை வெளியேறுவதைப் பார்த்துக் கொண்டு பெரிய கூட்டம் நின்றிருக்க, வீட்டுக்குள் தீப்பற்றிக் கொண்டிருப்பதையும், அதில் ஒரு குடும்பம் சிக்கியிருப்பதையும் அறிந்து கொண்ட கிளெமன்ஸ், காரிலிருந்து இறங்க முற்பட்டார்.

ஆனால், "நமக்கெதுக்கு வம்பு...போய்டலாம். எப்படியும் கொஞ்ச நேரத்துல தீயணைப்பு வண்டி வந்துடும்" என மணமகன் கூறியதைப் பொருட்படுத்தாத கிளெமன்ஸ், காரிலிருந்து குதித்தார். கண் இமைக்கும் நேரத்தில், தரையில் புரளும் தனது மணமகள் உடையை கையில் பிடித்துக்கொண்டு தீப்பிடித்த் வீட்டுக்குள் பாய்ந்தார். அங்கு வயதான பெண்மணி இருப்பதைக் கண்டு அவரை வெளியேற்ற முயற்சித்தார். ஆனால் தன் செல்லப் பிராணிகளை விட்டு வெளியே வர முடியாது என மறுத்தவரை வலுக்கட்டாயமாக வெளியே இழுத்து வந்து காப்பாற்றினார் கிளெமன்ஸ். கரும்புகை பட்டதால் கறுப்பு நிறமாக மாறிய கவுனுடன் வெளியேறிய கிளெமன்ஸை, அனைவரும் கைதட்டி ஆனந்தக் கண்ணீருடன் பாராட்டினர்.

மணப்பெண்ணாக இருந்து புரட்சிப் பெண்ணாக மாறிய கிளெமன்ஸை அமெரிக்க ஊடகங்கள் புகழ்ந்து தள்ளி வருகின்றன.

நன்றி முகநூல்