நடிகர் சீனிவாசன் கைதால் 4 படங்கள் முடக்கம்: டைரக்டர்கள் தவிப்பு

நடிகர் பவர் ஸ்டார் சீனிவாசனை ரூ.50 லட்சம் மோசடி புகாரில் போலீசார் நேற்று கைது செய்து ஜெயிலில் அடைத்துள்ளனர். இவர் ஏற்கனவே ஆனந்த தொல்லை, லத்திகா படங்களில் நடித்தார். ஆனால், சந்தானத்துடன் நடித்த கண்ணா லட்டு தின்ன ஆசையா படம் உச்சத்துக்கு கொண்டு போனது. அதன்பிறகு நிறைய பட வாய்ப்புகள் குவிகின்றன.

அழகன் அழகி, ஒன்பதுல குரு உள்ளிட்ட படங்களில் பெரும் தொகை கொடுத்து ஒரு பாடலுக்கு குத்தாட்டம் ஆட வைத்தனர். பல இயக்குனர்கள் தங்கள் படங்களில் நடிக்க பவர் ஸ்டார் சீனிவாசனை ஒப்பந்தம் செய்து படப்பிடிப்பை துவங்கினர்.

சிவா, சந்தானம் நடிக்கும் பாயா படத்திலும் முக்கிய கேரக்டரில் வருகிறார். சும்மா நச்சுன்னு இருக்கு படத்திலும் நடிக்கிறார். பவர் ஸ்டார் சீனிவாசன் கால்ஷீட் கொடுத்த படங்களுக்கு குறிப்பிட்ட தேதியில் நடித்து கொடுக்க முடியாத நிலைமை ஏற்பட்டது. ஏற்கனவே படமாகி வந்த படங்களும் பாதியில் நிற்கிறது. நான்கு படங்கள் இவரால் முடங்கியுள்ளதாக கூறப்படுகிறது.

பவர் ஸ்டார் சீனிவாசன் ரிலீசாவது வரை காத்திருப்பதா? அல்லது அவரை நீக்கிவிட்டு வேறு காமெடியர்களை நடிக்க வைத்து படங்களை முடிப்பதா? என்ற யோசனையில் அவர்கள் இருக்கின்றனர்.

நன்றி:தினகரன்

அட... பவருக்கு பியூஸ் போயிடுச்சிப்பா... மின்சாரம்தான் குறை போல...