மலேரியாத் தாக்கத்தை ஏற்படுத்தவல்ல புதிய வகை ஒட்டுண்ணி அடையாளம் காணப்பட்டது!

மலேரியா நோயைத் தரும் ஒட்டுண்ணிக் கிருமிகளில், அந்நோயைக் கட்டுப்படுத்த உதவும் முக்கிய மருந்தான அர்டெமிஸினின் என்ற மருந்துக்குக் கட்டுப்பதாத மூன்று பிரிவுகளை தாங்கள் அடையாளம் கண்டுள்ளதாக விஞ்ஞானிகள் கூறுகின்றனர். இந்த மூன்று பிரிவு ஒட்டுண்ணியுமே கம்போடியாவின் மேற்குப் பகுதியில் ஒரே இடத்தில்தான் இருந்துதான் வருகின்றன. தற்போது இவை அண்டையிலுள்ள பிரதேசங்களுக்கும் பரவி வருவதாகத் தெரிகிறது. தங்களுடைய இந்தக் கண்டுபிடிப்பு பொதுமருத்துவத்தில் பெரிய தாக்கத்தை ஏற்படுத்தும் என்று ஆராய்ச்சியாளர்கள் சொல்கின்றனர். ஒட்டுண்ணிகளின் மரபணுத் தொகுதியை தாங்கள் வரைபடமாக விளங்கிக்கொண்டுள்ளபடியால், புதிய பிரிவு ஒட்டுண்ணிகளைக் காணும்போது அவற்றை அடையாளம் காண்பது எளிதாகிவிட்டது என்று அவர்கள் கூறுகின்றனர்.


மற்ற மற்ற மருந்துகளுக்கும் கட்டுப்படாத மலேரியாவைத் தோற்றுவிக்கும் ஒட்டுண்ணிப் பிரிவுகளும் மேற்குக் கம்போடியாவில் இருந்துதான் ஆரம்பித்திருந்தன. குறிப்பிட்ட அந்த இடத்தில் ஏற்படுகின்ற சில விசேட மாற்றங்கள்தான் ஒட்டுண்ணிகளில் மரபணு மாற்றங்கள் ஏற்பட்டு புதுப் பிரிவுகள் உருவாகக் காரணம் என்று விஞ்ஞானிகள் கூறுகின்றனர். ஒட்டுண்ணிகளுக்கும் அதனை சுமந்துகொண்டிருக்கும் கொசுவுக்கும் இடையில் மரபணுப் பரிமாற்றம் நடந்துவிடுவது, வெளித் தொடர்பு இல்லாத ஒதுக்குப்புறமான சூழலில் இந்த ஒட்டுண்ணிகள் தமது பிரிவுக்குள்ளேயே இனப்பெருக்கம் செய்து விருத்தியாவது போன்றவற்றை இந்த விசேட மாற்றங்களுக்கான சில உதாரணங்களாக விஞ்ஞானிகள் சொல்கின்றனர்.


நன்றி:http://www.seithy.com/