இரண்டாவது சக்தி

இரண்டாவது சக்தி என்பது சிந்தனை, சொல், செயல் மூன்றையும் உணர்வு பூர்வமாக ஒருங்கிணைக்கும் சக்தி. உணர்வுபூர்வமாக எனக் குறிப்பிடுவதற்குக் காரணம் இந்த மூன்று ஆற்றல்களும் ஒவ்வொரு மனிதனுக்கும் இருந்தாலும் கூட அவற்றின் தனித்துவம், வலிமை என்பவற்றை உணராமல் வாழ்க்கையை வீணாக்குபவர்கள் கோடானு கோடி.

இயற்கையின் இயங்கு சக்தியால் மட்டும் வாழ்க்கை நகர்த்தப்ப்படுமானால் அது உயிர் வாழ்தல் எனப்படும். அதாவது பிறப்பு, இனப்பெருக்கம், இறப்பு என்பதாகி விடுகின்றது. இதுவே மனிதனைத் தவிர்ந்த ஏனைய உயிரினங்களின் வாழ்க்கை முறை. ஆனால் மனிதனோ இயற்கையின் இயங்கு சக்தியின் அடிப்படையான உயிர் வாழ்தலுக்கு அப்பால் வாழ்க்கை முறை என்ற ஒன்றை வடிவமைத்துக்கொள்ள வேண்டியுள்ளது.

இந்த வடிவமைப்புக்காக எமக்கு உள்ளீடுகளாகத் தரப்பட்டவை தான் சிந்தனை, சொல், செயல் என்பனவாகும். இயற்கையின் இயங்கு சக்தியையும் இந்த உள்ளீடுகளையும் சிறப்பான முறையில் ஒருங்கிணைத்து எமது வாழ்க்கையை சிறப்புமிக்கதாக அமைக்கும் சக்தி தான் எமது இரண்டாவது சக்தியாகும்.

இப்போது இந்த சக்தியை எப்படி நாம் உருவாக்குவது என்பதை அவதானிப்போம்.

இங்கே 'உருவாக்குதல்' எனக் குறிப்பிட்டதற்கான காரணம் இந்த சக்தி . எமது வாழ்க்கையின் ஒவ்வொரு நகர்வில் இருந்தும் மற்றவர்களது வாழ்க்கையின் நகர்வுகளால் வெளிப்படுத்தப்படும் விடயங்களிலிருந்தும் எமது வாழ்க்கையை மேம்படுத்தக் கூடிய விடயங்களை இனங்கண்டு அவற்றை உணர்வுபூர்வமாக உள்வாங்கி அவற்றை சிந்தனை, சொல், செயல் என்பவற்றுடன் ஒருங்கிணைத்து வாழ்க்கையைச் சிறப்பாக ஒழுங்கமைக்கும் சக்தியாக அமைக்கவேண்டி இருப்பதாகும். அதாவது இந்த இரண்டாவது சக்தியின் உருவாக்கமும் பயன்பாடும் முற்றுமுழுதாக எம்மீதே தங்கியுள்ளது.

நல்ல பகிர்வு தொடர்ந்து எழுதுங்கள் அண்ணா

சக்தி