தடம் மாறிய ரயில்

பலமுறை நாம் நினைத்திருக்கக்கூடும், நாம் இப்பொழுது செய்துக்கொண்டிருக்கும் வேலை நமக்கு பிடித்தவையா என்று.

கல்லூரியிலிருந்து பணிக்கு தேர்ந்தெடுக்கப்பட்டு, கல்லூரி முடிந்து விடுமுறையை (வாழ்வில் மாதக்கணக்கில் கிடைக்கும் கடைசி விடுமுறை) அனுபவிப்பதற்கு முன் பணிக்கு அழைக்கப்பட்ட உடன் பணிபுரியும் சக நண்பர் ஒருவர் என்னிடம் கேட்டார், நான் படித்ததற்கும் இங்கு எனக்கு கொடுக்கப்பட்ட வேலைக்கும் சம்பந்தமே இல்லையே என்று...

அவர் படித்ததோ இயந்திர பொறியியல், தேர்ந்தெடுக்கப்பட்டதோ மென்பொருள் நிறுவனத்தில்.
கட்டிடப் பொறியியல், மின்னணு பொறியியல், வானூர்தி பொறியியல், ஜவுளி பொறியியல் என்று படித்த பலருடைய நிலைமை இது தான்.

பள்ளியில் படிக்கும்போது விடியற்காலையில் எழுந்து, குறைந்த மதிப்பெண் எடுத்தபோது வீட்டில் வசவு வாங்கி, அடித்துபிடித்து வாங்கிய மதிப்பெண்ணில், இட ஒதுக்கீட்டிற்காக காத்திருந்து, இட ஒதுக்கீட்டிலிருந்து தப்பி பிடித்து, சிலர் நன்கொடை கொடுத்து ஒரு நல்ல கல்லூரியில் சேர்ந்து, மூன்று/நான்கு வருடங்கள் படித்து முடித்து ஒரு நிறுவனத்தில் சேரும்போது.., நாம் கடினமாக படித்த படிபிற்கும், சேரப்போகும் பணிக்கும் பொருத்தம் உள்ளதா என்று பார்த்து சேர்வது நம் கடமை.

சிலர் தாம் படித்த துறையில் தான் செல்லவேண்டும் என்று பொறுமையோடிருந்து வெற்றி பெறுகின்றனர்.

மென்பொருள் துறை அவ்வபோது சந்திக்கும் மந்த நிலையின்போது, நான் படித்த துறைக்கே சென்றிருக்க வேண்டும் என்று புலம்புவதனால் ஒரு பயனும் இல்லை என்பதை நாம் முன்பே உணரவேண்டும்.

தம் சுற்றத்தினர்க்கும், பள்ளி, கல்லூரியில் படிக்கும் உறவினர்களுக்கும் இதுபற்றி ஆலோசனை வழங்குவது, அவர்களுக்கு நாம் செய்யும் உதவி.

ரயிலை தடம் மாறாமல் காப்பது போன்ற உதவி அது.

சில சமயம் சூழ்நிலை காரணமாக தடம் மாற நேரிடுகிறது

இது பலருக்கும் நடந்து உள்ளது.

முரளிராஜா wrote:சில சமயம் சூழ்நிலை காரணமாக தடம் மாற நேரிடுகிறது

நம் அக்கம் பக்கத்து வீட்டில் உள்ள பள்ளி முடித்து அடுத்து என்ன படிப்பதென்று புரியாமல், சில தொலைக்காட்சி நிகழ்சிகளைப் பார்த்து குழும்புவதை தவிர்த்து, அவர்களுக்கு நம்மால் இயன்ற வழிநடத்துதலை கொடுக்கவேண்டும்.

ரயிலை தடம் மாறாமல் காப்பது போன்ற உதவி அது.

உண்மைதான்... விபத்தைத் தடுப்போம்...