நூறு கோடி கொடுத்து டம்ப்ளர் வாங்குகிறேன்: யாஹூ!

by சிவா Thu May 23, 2013 8:55 pm

உலகின் மிகப்பெரிய இணைய சேவை நிறுவனங்களில் ஒன்றான யாஹூ (Yahoo) , சமூக வலைத்தள சேவை நிறுவனமான டம்ப்ளரை (Tumblr) நூறு கோடி டாலருக்கும் அதிகமான விலை கொடுத்து வாங்கும் ஒப்பந்தம் பற்றிய அறிவிப்பு ஒன்று திங்களன்று வெளியிடப்படும் என்று எதிர்பார்க்கப்படுகிறது.

யாஹூ நிறுவனத்தின் நிர்வாக வாரியம் இந்த ஒப்பந்தத்துக்கு ஒப்புதல் அளித்துள்ளது என அமெரிக்காவின் ஊடகச் செய்திகள் கூறுகின்றன. யாஹூ நிறுவனத்தினை சரிவிலிருந்து மீட்கும் நோக்கத்தில் அந்நிறுவனத்தின் தலைமை செயல் அதிகாரியாக மரிஸ்ஸா மெயெர் பொறுப்பேற்றதன் பின்னர்,அந்நிறுவனம் செய்யும் மிகவும் விலைகூடிய ஒப்பந்தம் இதுதான். இளைஞர்களைக் கவரும் விதமாக யாஹூ நிறுவனத்தில் மாற்றங்கள் செய்யப்போவதாக மரிஸ்ஸா கூறியிருந்தார்.

25 வயதுக்கும் குறைவான இளைஞர்களாக கோடிக்கணக்கான வாடிக்கையாளர்களை டம்ப்ளர் கொண்டுள்ளது. ஆறு ஆண்டுகளுக்கு முன் ஆரம்பிக்கப்பட்ட மைக்ரோ பிளாக்கிங் சமூக வலைத்தளம் இது. ஆனாலும் இந்த இணைய நிறுவனம் இதுவரை மிகவும் குறைவாகவே வருமானம் ஈட்டியுள்ளது.

நன்றி:http://www.tamilkathir.com/