கூகுள் ஸ்ட்ரீட் மூலம் அந்தரங்க திருட்டு; கூகுள் மீது அதிரடி நடவடிக்கை

கூகுள் ஸ்ட்ரீட் மூலம் பல அந்தரங்கங்களையும், நிதி பரிவர்த்தனைகளையும் திருடிய குற்றத்தை அடுத்து பல ஐரோப்பிய நாடுகள் கூகுளுக்கு எதிராக குற்றச்சாற்றை எழுப்பின. இந்த நிலையில் அடுத்த 35 நாட்களுக்குள் அந்த தகவல்கள் அனைத்தையும் அழித்துவிட வேண்டும் என்று கெடுவும் விடப்பட்டுள்ளது.
கூகுளின் முக்கிய சாதனையாக கூறப்படும் கூகுள் மேப்ஸின் அட்வான்டேஜ் அப்ஸ் ஆன கூகுள் ஸ்ட்ரீட்
வரைபடத் தயாரிப்பிற்காக உலகத்தின் அனைத்துப் பகுதிகளுக்கும் இதற்கெனத் தயாரிக்கப்பட்ட சிறப்புக் கார்களை அனுப்பியது.
கூகுள் ஸ்ட்ரீட் வியூ என்று அழைக்கப்பட்ட இந்தத் திட்டத்தின் கீழ் கிட்டத்தட்ட ஐந்து மில்லியன் மைல்கள் பயணம் செய்த இந்தக் கார்கள், இவற்றில் பொருத்தப்பட்டிருந்த பிரத்தியேகக் கருவி மூலம், இயற்கை எழில் மிகுந்த பகுதிகளுடன் சாலைகளின் வரைபடங்களை பதிவு செய்தன.
ஆனால், அப்போது பணியில் இருந்த பொறியாளர் ஒருவர், இந்தக் கார்களின் அருகில் கடந்து செல்வோரின் பாதுகாப்பில்லாத இணையதளப் பதிவுகளை பெற்றுக்கொள்ளும் வகையில் ஒரு மென்பொருள் கருவியைத் தயாரித்து இந்தக் கார்களில் பொருத்தியுள்ளார்.
அதில் பலரது சொந்த விஷயங்களும், நிதி விபரங்களும் பதிவாகியுள்ளன. இது தங்களது எண்ணமல்ல என்று தெரிவித்த கூகுள் நிறுவனம் அத்தகையத் தகவல்களை அழித்துவிட்டதாகவும் தெரிவித்துள்ளது.
வெப்துனியா

இந்தக் கார்களின் அருகில் கடந்து செல்வோரின் பாதுகாப்பில்லாத இணையதளப் பதிவுகளை பெற்றுக்கொள்ளும் வகையில் ஒரு மென்பொருள் கருவியைத் தயாரித்து இந்தக் கார்களில் பொருத்தியுள்ளார்.
- எல்லாத்துக்கும் மென்பொருள் இருக்கு போல...

எங்குமே எதையும் பதுக்கி வைக்க முடியாது போல் தெரிகிறதே

கூகுள் போன்ற நிறுவனங்கள் தனிமனித விஷயங்களில் தலையிட்டு அவர்களின் வியாபாரத்தை வளர்த்து கொள்கின்றனர்.

பித்தன் wrote:கூகுள் போன்ற நிறுவனங்கள் தனிமனித விஷயங்களில் தலையிட்டு அவர்களின் வியாபாரத்தை வளர்த்து கொள்கின்றனர்.

உண்மை அண்ணா