நாளை என்ன நாளை இன்று கூட நம் வசமே

by முழுமுதலோன் Sat Jun 29, 2013 6:25 pm

நாளை என்ன நாளை
இன்று கூட நம் வசமே

பொதுவாக நாம் நம்பிக்கை வைக்க நாளை நமதே என நம்மை நாமே ஏமாற்றி கொள்கிறோம்

இன்று ரொக்கம் நாளை கட ன் என்றால் கடன் கிடையாது போ என நாகரீகமாக விரட்டுவது என்பது தானே அர்த்தம்

அதை போல நாளை நமக்கு வெற்றி வரும் என்று சொல்லி நமது மனதை ஆற்றலாம் தவறில்லை
ஆனால் ஏமாற்றி கொள்ளலாமா?

கனவு கானுங்கள் என்றால் கனவு மட்டுமே காண்பதற்கு தூங்கினால் வாழ்வு என்னாகும்.

நாளை மட்டும் நமதல்ல இன்றும் நமதே என்பதே நல்ல முயற்சி.

நாளை என்பதை தினம் தினம் திருப்பி சொல்லிக் கொண்டே போவது என்பது நாளை ஒரு நாளே இல்லை என்று தானே அர்த்தம்.

ஒன்று செய் அதை இன்றே செய் என்றுதானே சொன்னார்கள்.
நாளை பார்த்து கொள்ளலாம் என்பது நமது தாமதபுத்தி.

அதிட்டம் வந்து வாசல் கதவை தட்டும் போது உள்ளயிருப்பவர் உறங்கிக்கொண்டே ஆளில்லை என்று பதில் சொல்கிறார் அவள் அடுத்த வீட்டு கதவைத் தட்ட போய்விடுகிறாள்.

நல்ல பொழதையேல்லாம் தூங்க விட்டு அதிட்டம் இல்லை என்று அலட்டிக் கொள்கிறார்.

இன்று போய் நாளை வா என்றவன் சொன்னபோது போகாமலிருந்தால் ராவணன் கூட வென்று இருப்பானோ என்னவோ?

பலபேர் நாளைக்கே இறந்து போவது தெரிந்து கொணடு நிறையசாப்பிடுவது போல காண்கிறோம்.

ஆனால் சிலர் இன்றே வாழ்வின் கடைசி நாள் என்பது போல் அவர் முழு உழைப்பையும் தருவதையும் பார்கிறோம்.

நாளை செய்யலாம் என நாம் தள்ளி போட்ட வேலைகள் ஒருபோதும் நம்மால் செய்ய முடிந்ததில்லை.

சிலர் இன்றே முடிக்க வேண்டும் என துடிக்கும் போது பலர் ஏன் இவ்வளவு அவசரப்படுகிறார் இவர் என பலர் எரிச்சலடைகிறார்.

ஆனால்
நாளை காற்றடிக்கலாம்,
மழைவரலாம்
சூழல் மாற்றலாம்
ஆட்சி மாறலாம்
காட்சி மாறலாம்
இப்படி துடிப்பது அவநம்பிக்கையல்ல.
அனுபவத்தின் பாடம்.

தள்ளி போட்டது எல்லாம் என்றும் கிள்ளி போட்டதுதான்.

நாளை மட்டுமல்ல இன்றும் நமதே.
இன்றைய கடமைகைகளை செய்வோம் என தினம் தினம் முயன்றால் நாளை என்பது நமக்கு சுலபமே.

இன்று துவங்கும் போது நேற்றய கடமைகள் ஏதும் மீதியில்லை என்றால் அதில் கிடைகும் ஆனந்தம் அதிகம்.

இந்த நிறைவு புதிய முயற்ச்சிகள் உள்ளே வர புதிய வெற்றிடம் உருவாக்கி தருகிறது.

காலையில் நேற்றய மிச்சம் நிறைய என்றால் ஏற்படும் சலிப்பும் அசதியும் அன்றய தோல்வியின் துவக்கம்.

ஆறிய கஞ்சி பழங்கஞ்சி,சாப்பாட்டை மிச்சமில்லாமல் சாப்பிட்டு விடுவதை போல அன்றய வேலைகளை அன்றே முடித்துவிட்டு தூங்குபவர் ஒரு போதும் தூக்கமில்லை என்று சொன்னதில்லை.

நாளை என்ன நாளை இன்று கூட நம் வசமே

XXXXXXXXXXXXXXXXXXXXXXXXXXXXXXXXXXXXXX
http://dbs1205.blogspot.in/