சரித்திரம் முழுவதும் படித்த பின்னால் சஞ்சலம் வருவதில்லை

சத்யம் தோற்றதில்லை தர்மம் அழிந்ததில்லை
சரித்திரம் முழுவதும் படித்த பின்னால் சஞ்சலம் வருவதில்லை

சத்யமேவஜ‌யதே
வாய்மையே வெல்லும்
தர்மமே தலைகாக்கும்
இன்று இது போன்ற வார்த்தைகளை கேட்டால் பலர்
ஏதோ நகைச்சுவையை கேட்டது போல நமட்டு சிரிக்கிறார்கள்
ஏன்? இதெல்லாம் சும்மா,
வஞ்சகர் வாழ்வதும் வாய்மை வீழ்வதும் ஒன்றும் ஆபூர்வமில்லை
இறுதி வெற்றி யாருக்கு?
தர்மத்தின் வாழ்வுதனை சூது கவ்வும்
தர்மம் வெல்லும் என்றார்
இது உண்மைதானா?
இது நிச்சயம் சரித்திரம் படித்தால் மட்டுமெல்ல
அதை முழுவதும் படித்தால் சஞ்சலம் வராது என்றார் கவிஞர்
அரக்கரை /அநியாயக்காரரை ஆட விட்டு பார்ப்பான் ஆண்டவன்
முடிவில் அவர் கதையை முடிப்பான் அவன்
இறுதி வெற்றி இதயமுள்ளவருக்கே
ஏன் இந்த விளையாட்டு?
இது பரீட்சை /டெஸ்ட் மேட்ச்,போட்டி
சத்யத்தின் ஒளி புரிய வேண்டுமென்பதற்காகவா
இந்த சத்ய சோதனை,
சத்தியத்துக்கு மூன்று பருவங்கள்
உண்மை முதலில் ஏளனப்படுத்தப்படுகிறது
கோமாளி என எள்ளி நகையாடப்படுகிறது
இரண்டாவது பருவத்தில் எதிரிகளுக்கு அச்சம் தருகிறது
அதனால் ஏசப்படுகிறது
பின் எதிர்க்கப்படுகிறது
மூன்றாவது முதிர் பருவத்தில் கதிரென முளைக்கிறது
அதர்மம் அஞ்சி ஒடுகிறது
அநீதி பனி போல விலகுகிறது
இதுதான் உலக வரலாறு ,
ஊரின் சரித்திரம்
உங்கள் வீட்டு கதைகள்
அண்ணன் மணைவியை அபகரித்தவர்
தம்பி மனையை ஆக்ரமித்தவர்
அயலார் பொருளை திருடியவர்
போலி வேடதாரிகள்,தேசத்துரோகிகள்
பொய் வியாபாரிகள்,ஊழல் முதலைகள்
சந்ததிகளோடு காணாமல் போனர்
தர்மனும்,ராமனும் நாட்டை இழந்து காட்டுக்கு போனதுண்டு
அவரது மனைவிகள் அவமானப்படுத்தப்பட்டதுண்டு
இறுதி வெற்றி சத்யத்துக்கே அது கதையென்று போகலாம்
ஆனால் இட்லரும் லண்டனை,பாரிஸை வீழ்த்திய போது
உலகம் அழுததுண்டு
இறுதியில் அவன் தற்கொலையில் கண்டது சத்யத்தின் ஒளி
யேசு,காந்தியின் பூத உடல்களை கொன்றதுண்டு,
ஆனால் அவர் ஊரெங்கும் சிலைகளாக
உலகமெங்கும் மலைகளாக வாழ்வதுதான் சத்யம்.

Posted by DrBALA SUBRA MANIAN