அறியாமை மிகச்சிறிய விசயத்தை பிரச்னையாக்கி விடுகிறது

அறியாமை மிகச்சிறிய விசயத்தை பிரச்னையாக்கி விடுகிறது



முதல்வர்கள் முன்னாள் முதல்வர்கள் என சொல்லப்பட வாய்ப்புண்டு
அறிஞர்கள் முன்னாள் அறிஞர்கள் என சொல்லப்பட வாய்ப்பில்லை

போதிப்பவரின் இறந்த நாள் பல நூற்றாண்டுகள் போற்றப்ப்டும்
சாதிப்பவரின் இறந்த நாள் பல்லாண்டுகள் துயர்தரும்

வாதித்து வெல்பவரை விட போதித்து வெல்பவரே அறிஞர்கள்
போதித்து வெல்பவரை விட சாதித்து வெல்பவரே பேரறிஞர்கள்

பாட்டுக்கு அருமை இசையாலே வீட்டுக்கு அருமை நல்துணையாலே
சில மலர்கள் செடிக்கு அழகாகும் சில மலர்கள் செடியை விட அழகாகும்

சில அறிஞர்கள் சபைக்கு பெருமையாவர்
சில அறிஞர் சபையை விட பெருமையுடையவர்

உணவு உறவு உறக்கம் தள்ளிப் போட்ட இளைஞன் அறிஞன் ஆனான்
களவுகள் காமம் விலக்கி விட்ட அறிஞன் தலைவன் ஆவான்

வாலை விட தலையை வைத்தே விலங்கு தரம் பிரிக்கப்படும்
வாழ்வை விட அறிவை வைத்தே மனிதர் தரம் பிரிக்கப்படுவார்

அறிவிலிகள் உறக்கத்திலும் கனவே காண்கிறார்கள்
அறிஞர்கள் உறக்கத்திலும் சிந்தனையே செய்கிறார்கள்

கனிகள் நிறைந்த மரங்களையே பறவைகள் தேடுகின்றன‌
கருத்துகள் நிறைந்த அறிஞரையே மனிதர்கள் நாடுகின்றனர்

அறிவு மிகப்பெரிய பிரச்னையை எளிதாக முடிக்கிறது

அறியாமை மிகச்சிறிய விசயத்தை பிரச்னையாக்கி விடுகிறது

Posted by DrBALA SUBRA MANIAN

கருத்துக்கள் மிக அருமை. வாழ்த்துக்கள்.

 அறிவு மிகப்பெரிய பிரச்னையை எளிதாக முடிக்கிறது

அறியாமை மிகச்சிறிய விசயத்தை பிரச்னையாக்கி விடுகிறது

உண்மையான வாசகங்கள்