நிறைய கனவு காணுங்கள் அதை நனவாக்குங்கள் உழைத்து

நிறைய கனவு காணுங்கள் அதை நனவாக்குங்கள் உழைத்து


அன்றோரு மூளையில் விளைந்த சிந்தனை இன்று சரித்திரமானது
அன்றோரு மூளையில் வரைந்த சித்திரம் நாளை விசித்திரமாகும்

உயர்ந்த எண்ணம் உடையவர் உருவம் நினைவுச் சின்னமாகும்
உயர்ந்த செயல் செய்தவர் வாழ்வு பலர் கனவுக் கொள்கையாகும்

நேற்றைய நினைவுகளை முதுகில் சுமைகளாக சுமந்து திரியலாமோ
நாளைய கனவுகளை விலாவில் சிறகுகளாக விரிந்து பறப்போமே

ஒதுக்கப்பட்ட நடிகைகளின் ஒரங்க நாடகமோ கனவு
விலக்கப்பட்ட கவிஞர்களின் வீட்டு அரங்கமோ கனவு

நிறைவேறாத ஆசைகளின் நீண்ட பெருமூச்சோ கனவு
நீர்த்து போன எண்ணங்களின் காதல் கண்ணீரோ கனவு

நினைவுப் பறவைகளின் எச்சங்களோ கனவு
ஏக்க விலங்குகளின் காலடிச் சுவடுகளோ கனவு

துயரே கோப்பையாக துக்கமே நஞ்சாக நிரம்பி வழியும் வாழ்வு
உறக்கமே கோப்பையாக கனவே மதுவாக நிரம்பி வழியும் இரவு

நிறைய கனவு காணுங்கள்
நனவாக்குங்கள் உழைத்து
நிறை உணவு உண்ணுங்கள்
அதை செலவாக்குங்கள் உழைத்து

காம விழிப்புள்ளவனுக்கு உறக்கம் வருபதில்லை
ஞான விழிப்புள்ளவனுக்கு உறக்கம் கெடுபதில்லை

Posted by DrBALA SUBRA MANIAN

ரொம்ப நல்லா இருக்கு,   

   

விழிப்புணர்வு பதிவு அருமை அய்யா