சரியான நேரத்தில் சொல்லப்பட்ட சரியான சொல் தேன் போல் இனிக்கும்..

சரியான நேரத்தில் சொல்லப்பட்ட சரியான சொல் தேன் போல் இனிக்கும்..

இன்சொல்



நாவின் ஙனியிலே நயமிருந்தால் நன்மையெல்லாம் தேடி வரும்
நாவிலே கனிபோல் மொழியிருந்தால் நன்பரெல்லாம் நாடி வருவார்

அழகு மாதர் அணிந்தால் ஆடை கூட அழகு கூடும்
அறிவு மனிதர் சொன்னால் சொல் கூட இனிமை யாகும்

நாவின் சுவை அது உண்ணும் உணவில் அல்ல‌
நாவின் அவை அது சொல்லும் சொல்லில் அல்லவா

நல்லதொரு குழலில் இருந்தே இனிமையான இசை வ்ரும்
நல்லதொரு மனதில் இருந்தே இதமான சொல் வரும்

நீபேசும் போது பிறர் கேட்கும்படி சுவையாக பேசு
பிறர் பேசும் போது அவர் விரும்பும்படி அமைதியாக கேள்

மலரின் முகத்தில் விழித்தவன் மனம் துயரடைவதில்லை
மலர்ந்த முகத்தோடு சிரிப்பவருக்கு புகழ் குறைவதில்லை

கடுமையானவரிடம் இனிமை காட்டு அவருக்கே அது அதிகம் தேவை
நெருப்பானவரிடம் நீராக இரு அவருக்கே அது அதிகம் தேவை

சத்தமான பேச்சு செத்ததற்கு அடிக்கும் பறை போலிருக்கும்
சுத்தமான பேச்சு இதயத்துக்கு இனிக்கும் குழல் போலிருக்கும்

இனிமையாகப் பேசுவது சுலபம் அதன் லாபமோ அதிகம்
கடுமையாகப் பேசுவது கடினம் அதன் நட்டமோ மிகமிக அதிகம்

சரியான நேரத்தில் சொல்லப்பட்ட
சரியான சொல் தேன் போல் இனிக்கும்
தவறான நேரத்தில் சொல்லப்பட்ட
தவறான சொல் தீப்போல் சுடும்


Posted by DrBALA SUBRA MANIAN

உண்மை உண்மை

மிக அருமை.

உண்மையான வாக்கியங்கள்