நினைவுப் பறவைகளின் எச்சங்களோ கனவு ஏக்க விலங்குகளின் காலடிச் சுவடுகளோ கனவு

by முழுமுதலோன் Fri Aug 23, 2013 12:10 pm

நினைவுப் பறவைகளின் எச்சங்களோ கனவு ஏக்க விலங்குகளின் காலடிச் சுவடுகளோ கனவு

உயர் எண்ணம்

மன‌ம்

கனவு

அழகு

[font]

தெளிவான வடிவத்துடன் செதுக்கப்பட்ட யாவும் அழகே
தெளிவான சிந்தையுடன் செயல்பட்ட செயலும் அழகே

சின்ன குளத்தின் வண்ண நிலவின் நிழல் ஒரு அழகு
சின்ன ஆடியில் ஜன்னல் பெண்ணின் நிழல் ஒரு அழகு

உரு என்பது உடலழ‌கு
திரு என்பது உள்ளத்தழகு
மரு என்பது கயமைக்கழ‌கு
கரு என்பது கவிதைக்கழகு

அழகை ஆராதிக்க தெரிந்தவர்
ஒரு போதும் இளமை தீர்வதில்லை
மதுவை உபயோகிக்க பழகியவர்
எப்போதும் முதுமை அடைவதில்லை

அழகு நிமிராத கழுத்துக்களைக் கூட நிமிர்த்தும்
அழகு கவிழாத தலைகளைக் கூட கவிழ்த்தும்

இளம் பெண்கள் இன்றைய அழகுக்காக இரசிக்கப்படுகிறார்கள்
இளம் ஆண்கள் நாளைய புகழுக்காகவே மதிக்கப்படுகிறார்கள்

பார்ப்பதில் எல்லாம் அழகு தருவது வண்ணங்களே
பார்ப்பதில் எல்லாம் நல்ல உயர்வு தருவது எண்ணங்களே

தெளிவான வடிவத்துடன் செதுக்கப்பட்ட யாவும் அழகே
தெளிவான சிந்தையுடன் செயல்பட்ட செயலும் அழகே

பணத்தை வெறுப்பதாகச் சொல்வது பிறர் பணத்தையே
அழகை வெறுப்பதாகச் சொல்வது பிறர் அழகையே

அழகான இசையை ரசிப்பது ஒரு இன்பம்
அழகான காட்சியை ருசிப்பது பெரும் பேரின்பம்[/font]

by முழுமுதலோன் Fri Aug 23, 2013 12:11 pm

மன‌ம்

உளம் எனப்படுவதோ ஆனந்தப் பெருவெளி
கோட்டையும் இல்லை பூட்டும் சாவியுமில்லை அதற்கே

மாற்றிடும் நொடி தோறும் வரும் நினைவை
கற்றிட கணித சங்கேத விஞ்ஞானமில்லையே

கண்ணிலும் எத்தனை நுன்ணியது நம் உள்ளம்
களங்கம் உறும் தோறும் விளங்கும் அங்கு எதுவும்

போதம் கரைந்து மேலே பொங்கிடும் அன்பை
பூத உடலால் தடுத்து நிறுத்தவும் முடியுமோ

சன்னலைத்திறந்து விடுங்கள்
அறையின் புழுக்கம் கரைந்து விடும்
மனதைத் திறந்து பேசுங்கள்
மனதின் துக்கம் மறைந்து விடும்

கதவு திறந்தே இருக்கட்டும்
நறுமணம் வரட்டும் துர்மணம் வெளியே வரட்டும்
மனதும் திறந்தே இருக்கட்டும்
நல்லெண்ணம் வரட்டும் தீய எண்ணம் வெளியேறட்டும்

பொறுமை நிம்மதி கொடுக்கும்
பொறாமை துர்மதி கொடுக்கும்
ஞானம் தன்மானம் வளர்க்கும்
காமம் அவமானம் வளர்க்கும்

மருத்துவம் என்பது உடலின் பிணி களையும் கலையே
தத்துவம் என்பது உள்ளத்தின் துயர் களையும் கலையே

by முழுமுதலோன் Fri Aug 23, 2013 12:13 pm

உயர் எண்ணம்

பிரிவரிய ஊசி வழி பின் தொடரும் நூல் போல‌
அறிவால் பேரறிவின் அரிய வழி தொடரும் நல் மனமே

வண்ண‌ங்கள் மலருக்கு அழகு சேர்க்கும்
எண்ணங்கள் மனதுக்கு அழகு சேர்க்கும்

நோக்கம் என்பது நன்மையை காண்பது
ஆக்கம் என்பது எதிலும் நன்மையே செய்வது

நல்ல எண்ணைய் நிறைந்த விளக்கின் தீபம் மிளிரும்
நல்ல எண்ணங்கள் நிறைந்த மனத்தின் முகம் ஒளிரும்

உடலானது நல்ல எண்ணங்களால் விரிவடைந்து வளர்கிறது
உண்மையானது நல்ல எண்ணங்களால் விரிவடைந்து வளர்கிறது

இதயத்தின் வாசல் விரிந்தால் உலகனைத்தும் உள்ளே வரும்
ஆசையெனும் வாயே விரிந்தால் அத்தனையும் வெளியே போகும்

பெரியாராய் யாரும் பிறப்பதில்லை நல்ல எண்ணத்தால் அவர் சிறந்தாரே
ஆன்றோராய் யாரும் பிறந்ததில்லை நல்ல செயலால் அவர் உயர்ந்தாரே

வண்ணங்கள் ஒளியாலே அழகும் மெருகும் கூடும்
எண்ணங்கள் ஒழுக்கத்தாலே அழகும் மெருகும் கூடும்

உள்ளத்தில் நஞ்சில்லாத போது மகிழ்வு தானே வரும்
சொல்லில் வஞ்சமில்லாத போது புகழும் தானே வரும்

உறுதியான எலும்புகள் உடலுக்கு வனப்பு தரும்
உறுதியான எண்ணங்கள் உள்ளத்துக்கு அழகு தரும்

by முழுமுதலோன் Fri Aug 23, 2013 12:15 pm

கனவு

அன்றோரு மூளையில் விளைந்த சிந்தனை இன்று சரித்திரமானது
அன்றோரு மூளையில் வரைந்த சித்திரம் நாளை விசித்திரமாகும்

உயர்ந்த எண்ணம் உடையவர் உருவம் நினைவுச் சின்னமாகும்
உயர்ந்த செயல் செய்தவர் வாழ்வு பலர் கனவுக் கொள்கையாகும்

நேற்றைய நினைவுகளை முதுகில் சுமைகளாக சுமந்து திரியலாமோ
நாளைய கனவுகளை விலாவில் சிறகுகளாக விரிந்து பறப்போமே

ஒதுக்கப்பட்ட நடிகைகளின் ஒரங்க நாடகமோ கனவு
விலக்கப்பட்ட கவிஞர்களின் வீட்டு அரங்கமோ கனவு

நிறைவேறாத ஆசைகளின் நீண்ட பெருமூச்சோ கனவு
நீர்த்து போன எண்ணங்களின் காதல் கண்ணீரோ கனவு

நினைவுப் பறவைகளின் எச்சங்களோ கனவு
ஏக்க விலங்குகளின் காலடிச் சுவடுகளோ கனவு

துயரே கோப்பையாக துக்கமே நஞ்சாக நிரம்பி வழியும் வாழ்வு
உறக்கமே கோப்பையாக கனவே மதுவாக நிரம்பி வழியும் இரவு

நிறைய கனவு காணுங்கள்
அதை நனவாக்குள் உழைத்து
நிறை உணவு உண்ணுங்கள்
அதை செலவாக்குங்கள் உழைத்து

காம விழிப்புள்ளவனுக்கு உறக்கம் வருபதில்லை
ஞான விழிப்புள்ளவனுக்கு உறக்கம் கெடுவதில்லை

XXXXXXXXXXXXXXXXXXXXXXXXXXXXXXXXXXXXXXXXXXXXXXXX

Posted by DrBALA SUBRA MANIAN

by ரானுஜா Fri Aug 23, 2013 12:56 pm

பகிர்வுக்கு நன்றி அண்ணா

by Sponsored content

நினைவுப் பறவைகளின் எச்சங்களோ கனவு ஏக்க விலங்குகளின் காலடிச் சுவடுகளோ கனவு

நினைவுப் பறவைகளின் எச்சங்களோ கனவு ஏக்க விலங்குகளின் காலடிச் சுவடுகளோ கனவு

Re: நினைவுப் பறவைகளின் எச்சங்களோ கனவு ஏக்க விலங்குகளின் காலடிச் சுவடுகளோ கனவு

Re: நினைவுப் பறவைகளின் எச்சங்களோ கனவு ஏக்க விலங்குகளின் காலடிச் சுவடுகளோ கனவு

Re: நினைவுப் பறவைகளின் எச்சங்களோ கனவு ஏக்க விலங்குகளின் காலடிச் சுவடுகளோ கனவு

Re: நினைவுப் பறவைகளின் எச்சங்களோ கனவு ஏக்க விலங்குகளின் காலடிச் சுவடுகளோ கனவு

Re: நினைவுப் பறவைகளின் எச்சங்களோ கனவு ஏக்க விலங்குகளின் காலடிச் சுவடுகளோ கனவு