காசு... பணம்... துட்டு!

ஒரே மாதிரி சம்பாதிக்கும் இருவரால்கூட ஒரே மாதிரி வாழ்க்கை வசதிகளைக் கூட்டிக்கொள்ள முடிவதில்லை, நிம்மதியாகவும் இருக்க முடிவதில்லை. அதற்குக் காரணம் என்ன? பண நிர்வாகத்தில் புலிகளாக உள்ள சிலர் கூறும் ஆலோசனைகள்...

பணத்துக்கான மதிப்பு:

பணத்துக்கு உரிய மதிப்புக் கொடுத்து, சிக்கனம் காட்டுவது முக்கியம். சேமிக்கும் ஒவ்வொரு ரூபாயும், சம்பாதிக்கும் ஒவ்வொரு ரூபாய்க்கு ஈடாகும். எது எது முக்கியமானது என்று வகைப்படுத்தி, அதன் அடிப்படையில் செலவழியுங்கள். அண்டை வீட்டார், உறவினரைப் போல நாமும் ஆடம்பரமாகக் காட்டிக்கொள்ள வேண்டு என்று பொருட்களை வாங்கிக் குவித்தால், பின்னர் அவதிப்படப் போவது நாம்தான். இதை எப்போதும் மனதில் கொள்வது நல்லது.

நேரம் மிச்சமானால் பணம் மிச்சமாகும்:

இன்று தொழில் நுட்பமும், சாதன வசதிகளும் பெருகியிருக்கின்றன. அவற்றைப் பயன்படுத்தி நேரச் செலவு, பயணச் செலவைக் குறைக்கலாம். அந்த நேரத்தை, பணம் ஈட்டும் பயனுள்ள வழிகளில் கழிக்கலாம். உதாரணமாக வங்கிக்கு நேரடியாகச் செல்வதைக் குறைத்து, நெட் பாங்கிங் போன்ற வசதிகளைப் பயன்படுத்திக் கொள்ளலாம். நல்ல ஆன்லைன் நிறுவனங்கள் மூலம் ஆன்லைனில் ஷாப்பிங் செய்யலாம்.

ஆரோக்கியமே செல்வம்:

நமது ஆரோக்கியமும், நேரமும்தான் பணமாக மாறுகின்றன. நீங்கள் விரும்புவதைச் செய்வதற்கு நேரத்தை மிச்சப்படுத்துவதும், பணம் ஈட்டுவதற்கும் ஆரோக்கியமான உடல்நிலையும் அவசியம்.

நல்ல ஆரோக்கியமான உடல்நிலையில் இருப்பவர்கள், பணி ஓய்வுக்கு பல்லாண்டுகளுக்குப் பின்பும், தமக்குப் பிடித்த வேலையிலோ, வருவாய் தரும் வேறு பணியிலோ இருப்பதை நீங்கள் காணலாம். ஆரோக்கியம் காப்பதன் மூலம், நாம் பாடுபட்டுச் சேர்த்த செல்வம், மருத்துவச் சிகிச்சையில் கரைந்து போகாமலும் தடுக்கலாம்.

குழந்தைகளுக்குச் சேமியுங்கள்:

உங்கள் குழந்தைகளை மனதில் வைத்து அவர்களுக்காகத் தனியே சேமித்து வருவது, நாளை அவர்கள் உயர்கல்வி, திருமணம் என்று வளர்ந்து நிற்கும்போது நீங்கள் தடுமாறாமல் தடுக்கும். குழந்தைகள் மட்டுமின்றி, குடும்ப உறுப்பினர்கள் எத்தனை பேரோ அதற்கேற்ப ஒரு தொகையைச் சேமித்து வருவது எப்போதும் நல்லது. நாம் முதல் முன்னுரிமை கொடுக்கும் விஷயமாக இது இருக்க வேண்டும்.

நன்றி மாலை மலர்

நல்ல ஆலோசனைகள் 

அண்டை வீட்டார், உறவினரைப் போல நாமும் ஆடம்பரமாகக் காட்டிக்கொள்ள வேண்டு என்று பொருட்களை வாங்கிக் குவித்தால், பின்னர் அவதிப்படப் போவது நாம்தான். இதை எப்போதும் மனதில் கொள்வது நல்லது.

நல்ல பதிவு அண்ணா.