பேரீத்தம்பழப் பச்சடி

[You must be registered and logged in to see this link.]



இந்த பேரீத்தம்பழப் பச்சடி கீழத் தஞ்சை பகுதிகளின் ஊர்களில், குறிப்பாக நாகூர், நாகப்பட்டிணம், காரைக்கால், மயிலாடுதுறை போன்ற ஊர்களின் இஸ்லாமிய இல்லத் திருமணங்களில் பிரியாணி மற்றும் நெய்ச் சோறுடன் பக்க உணவாக வைப்பார்கள். ஊறுகாய்க்கு பதிலாக பயன்படுத்தப்படும் இந்த ப‌ச்சடிக்கு செல்லப் பெயர் 'தள்ளு வண்டி' சாப்பாட்டை உள்ளே தள்ளிக் கொண்டு போகும் என்பதால் அந்தப் பெயர்!  வினிகருக்கு 'சுக்கா' என்ற பெயரும் உள்ளதால் வினிகர் சேர்த்து செய்யப்படும் இதற்கு 'சுக்கா பச்சடி' என்றும் சொல்வார்கள். அலாதியான சுவைக் கொண்ட இந்த பச்சடி சத்தானதும் கூட!




[color][font]

தேவையான பொருட்கள்:

பேரீத்தம் பழம் - 300 கிராம்
தக்காளி - பாதி
புளி பேஸ்ட் - 3 ஸ்பூன்
வினிகர் - 75 மில்லி
எலுமிச்சை ஜூஸ் - 3 ஸ்பூன்
எண்ணெய் - 75 மில்லி
சீனி - 5 ஸ்பூன்
உப்பு - சுமார் 3 ஸ்பூன்




[/font][/color][color][font]

பூண்டு - 7, 8 பற்கள்
கடுகு - 1 ஸ்பூன்
கறிவேப்பிலை - 1 கொத்து
முழு மிளகு -  ½ ஸ்பூன்
இஞ்சி பூண்டு பேஸ்ட் - 1½ ஸ்பூன்
மிளகாய்த் தூள் - 3 ஸ்பூன்
மசாலாத் தூள் - 1½ ஸ்பூன்
மஞ்சள் தூள் - ½ ஸ்பூன்







[/font][/color][color][font]
சற்று அகலமான ஒரு பாத்திரத்தில் எண்ணெய் ஊற்றி சூடானதும், கடுகை வெடிக்கவிட்டு, கறிவேப்பிலையைக் கிள்ளிப் போடவும்.







[/font][/color][color][font]
இப்போது இஞ்சி பூண்டு பேஸ்ட்டைப் போட்டு, முறுக ஆரம்பிக்கும்போது அடுப்பை சிம்மில் வைத்து மிளகாய்த் தூள் போடவும்.







[/font][/color][color][font]
மிளகாய்த் தூள் தீய்ந்து விடாமல் தாளித்து, உடனே முழு மிளகு, நறுக்கி வைத்துள்ள பூண்டு பற்கள் மற்றும் தக்காளியை சேர்த்து வதக்கவும்.




[/font][/color][color][font]
பூண்டும் தக்காளியும் நன்கு வதங்கியவுடன், (விதை நீக்கி) மெலிதாக நறுக்கி வைத்துள்ள பேரீத்தம்பழத் துண்டுகளைக் கொட்டி, 2 நிமிஷங்கள் வதக்க‌வும்.



[/font][/color][color][font]
இப்போது மசாலாத் தூள், மஞ்சள் தூள், உப்பு சேர்த்து, புளி பேஸ்ட்டை 1/2 கப் தண்ணீர் விட்டு கரைத்து ஊற்றவும்.




[/font][/color][color][font]
எல்லாம் ஒன்றாக சேர்ந்தவுடன் சீனி சேர்த்து, எலுமிச்சை சாறு மற்றும் வினிகர் ஊற்றவும்.




[/font][/color][color][font]
2, 3 நிமிடங்கள் கழித்து (சற்று வற்றி), ஊறுகாய் பதத்திற்கு வந்ததும் இறக்கவும்.




[/font][/color][color][font]
சுவையான பேரீத்தம்பழப் பச்சடி தயார்!

குறிப்பு:

- இந்தப் பச்சடியில் வினிகர் சேர்த்திருப்பதால் ஒரு மாதம் வரை கெடாமல் இருக்கும். நன்கு ஆறியவுடன் காய்ந்த‌ ஒரு கண்ணாடி பாட்டிலில் எடுத்து ஃபிரிஜ்ஜில் வைத்துக் கொள்ளலாம்.

- இதில் சேர்க்கப்பட்டுள்ள எலுமிச்சை சாறுக்கு பதிலாக துருவிய மாங்காய் 1/2 கப் சேர்க்கலாம். மாங்காய் கிடைக்காத பட்சத்தில் எலுமிச்சை சாறு சேர்க்கலாம்.  மாங்காய் துருவல் சேர்ப்பதாக இருந்தால், பேரீத்தம்பழத் துண்டுகளை சேர்க்கும்போதே அதையும் சேர்த்துவிட வேண்டும்.

[You must be registered and logged in to see this link.][/font][/color]