மனிதர்களுக்கு மரணம் எப்போது வரும்? புதிய கருவி கண்டுபிடிப்பு

மனிதர்களின் வாழ்நாள் எப்போது முடியும் என்பதை, கணக்கிட்டு சொல்லும் லேசர் கருவியை பிரிட்டன் ஆய்வாளர்கள் கண்டுபிடித்துள்ளனர்.

இது குறித்து, லான்காஸ்டர் பல்கலை, இயற்பியல் பேராசிரியர்கள், அநேடா ஸ்டிபனோஸ்கா மற்றும் பீட்டர் மெக்கிளின்டாக் ஆகியோர் தெரிவித்ததாவது,
கைக்கடிகாரம் போன்று வடிவமைக்கப்பட்டுள்ள லேசர் கருவி மூலம் நாடித்துடிப்பு கணக்கிடப்படும். இதன் மூலம் உட்செலுத்தப்படும், லேசர் கதிர்கள் சிறிய நரம்புகளில் ஊடுருவிச் சென்று எண்டோதிலியல் செல்களை பகுப்பாய்வு செய்கின்றன.

இந்த செல் பகுப்பாய்வின் மூலம், நரம்புகளில் ஏற்படும் மாற்றங்கள் தெளிவாக கணக்கிடப்படுகின்றன. இந்த மாற்றங்களின் மூலம், மனித செல்களின் அழிவுக்காலம் மற்றும் மனித உடலில் ஏற்படும், புற்று நோய் போன்ற அபாயகரமான நோய்களையும் எளிதில் கண்டறியலாம்.

மனித செல்களின் ஆயுள் காலம் மற்றும் அதில் ஏற்படும் பாதிப்புகள் பற்றி எளிதில் அறிய முடிவதின் மூலம், மனிதன் இன்னும் எவ்வளவு காலம் உயிர் வாழ்வான் என துல்லியமாக கணக்கிட முடியும்.
எளிய முறையில் கையாளக் கூடிய இந்த கருவியை, அடுத்த மூன்று ஆண்டுகளில், உலகின் அனைத்து நாடுகளை சேர்ந்த மருத்துவர்களும் பயன்படுத்துவர் என்று அவர்கள் மேலும் தெரிவித்தனர்.

நன்றி'லங்காஶ்ரீ'

  

பதிவுக்கு நன்றி .உங்களுக்கே தெரியுமே நம்முடைய சரியான ஜாதகத்தை வைத்து நாம் மரணத்தை துல்லியமாக கணிக்க முடியுமே

மெய் ஞானம் சொன்னவற்றைதான்
விஞ்ஞானம் கண்டுபிடிக்கிறது
என்பதுதான் உண்மை ....!!!

இந்த கருவி பயன்பாட்டிற்கு வந்தால் விற்பனை சக்கை போடு போடும்

இந்த கருவி பயன்பாட்டிற்கு வந்தால் விற்பனை சக்கை போடு போடும்

இந்தக் கருவி ஒருவன் விபத்துக்களால் எப்போது மரணம் எய்துவான், எந்தவியாதி எப்போது தாக்கி அவனுக்கு மரணம் சம்பவிக்குமென்பதையெல்லாம் துல்லியமாகக் கண்டுபிடிக்க இயலுமா? ஒரு குழந்தை கருவானமுதல் பத்தாம் மாதம் பிறக்கும் என்ற அறிவை அளித்த இறைவன் அவன் எத்தனை நாளில் இறப்பான் என்பதை ரகசியமாக வைத்ததின் நோக்கமே நம் வாழ்நாளில் அவனை எண்ணவேண்டும் என்பதற்காகத்தானே!

முழுமுதலோன் wrote:பதிவுக்கு நன்றி .உங்களுக்கே தெரியுமே நம்முடைய சரியான ஜாதகத்தை வைத்து நாம் மரணத்தை துல்லியமாக கணிக்க முடியுமே

"சரியான ஜாதகத்தை வைத்து நாம் மரணத்தை துல்லியமாகக் கணிக்க முடியும்" உண்மைதான். இப்போதெல்லாம் மகப்பேறு என்பது மருத்துவ மனையில்தான் நடை பெறுகிறது. அதுவும் நாம் வெளியே காத்திருக்குமிடத்திலிருந்து கண்காணாத இடத்தில் ஒரு அறையில் (labour room) நிகழும். குழந்தைபிறந்த நேரத்தை செவிலியர் வந்து சொல்லும்போதுதான் தோராயமாகக் குறித்துக் கொள்வோம். ஜாதகம் கணிக்க குழந்தை பிறந்த நேரம், பிறந்த ஊர், தேதி மிகத்துல்லியமாகக் குறிக்கப்பட்டால்தான் அந்த ஜாதகப் பலன்களை சரியாகக் கணிக்க இயலும். இதனால்தான் ஜாதகக் கணிப்பு இப்போதெல்லாம் சரிவர நிகழ்வதில்லை, அதனால் ஜாதகங்களின் மீதிருந்த நம்பிக்கை மக்களுக்கு இப்போது குறைந்து வருவதோடுமட்டுமல்லாமல், ஜாதகக் கணிப்பையே எள்ளி நகையாடுகிறார்கள்......முத்து ஐயர்