வாழ்வோம் மனம் விட்டு சிரித்து

by முழுமுதலோன் Sun Oct 13, 2013 1:23 pm

வாழ்வோம் மனம் விட்டு சிரித்து

நடப்பது சுகமென நடத்து

நாளை நமதென நினைத்து

வாழ்வே பெரிதென மதித்து

வாழ்வோம் மனம் விட்டு சிரித்து

நம் வாழ்வு இனிமையாக நாலே வரிகளில் நான்கு கொள்கைகள் சொன்னான்

நாம் இதை நாள் தோறும் கடைபிடித்தாலே போதும்

நம் மன நோய்களுக்கு வேறெந்த மதுவும்,மருந்தும் வேண்டாமே

ஒரு பலாவின் பழத்தை ஒருசொட்டு ரசமாக வடித்ததென

ஒரு பகவத் கீதையை ஒரே வரியில் பிடித்தான்

நடப்பது சுகமென நடத்து

எது நடக்கிறது அது நன்றாகவே நடக்கிறது

ஆனால் துயருள்ள மனங்கள் ஏங்குகிறது

எது இங்கு நன்றாக நடக்கிறது?

எதுதான் நான் கேட்பது கிடைக்கிறது?

என்றுதான் விடிவு என கேட்கிறது?

அரசன் இவன் கட்டை விரலை வெட்டுங்கள் என தண்டித்தபோது

இதுவும் நல்லதுக்கே என்றும் சிரித்தான் தென்னாலி

அன்றும் புரியவில்லை அரசனுக்கு

காட்டு மிராண்டிகளிடம் அகப்பட்டு பலியிடப் போகும் போது

அனைவரும் அழிய ஊனமுற்ற தெனாலிக்கு விலக்களித்த போது புரிந்தது

நடப்பதை நடத்து நிற்காதே,தொடர்ந்து செல்

நடந்ததை மற, சலிக்காதே,நடந்து கொண்டேயிரு

என்றான் எதற்க்காக?

காலம் நமக்காக காத்திருக்கு

நல்ல பரிசோடு காத்திருக்கு

இந்த நினைப்பு நமக்கு பிழைப்பு தருகிறது

இந்த முனைப்பு நமக்கு உற்சாகம் தருகிறது

நேற்று,இன்று,நாளைஎன்று சொல்லி

சாக்லெட்டுக்கு ஏமாற்றும் குழந்தையாக எனை ஏன் ஏங்க விட்டாய் இறைவா?

இப்படி கேட்கும் இதயங்களுக்கும் பதில் சொன்னான்

அடி போடி வாழ்வு பெரிதடி என்றான்

அட போடா நீ வந்து பிறந்ததே அரிதென்றான்

அரிதரிது மானிடராய் பிறத்தலரிது,என்றவளொருத்தி

ஆனால் பிறவியே பெருந்துன்பம்

பிறவியென்பது பெரிய பிணி

பிறவியெனும் பழியறுப்பாயா?

என சிலர் புலம்ப

வாழ்வென்பது பரிசு

வாழ்வென்பது பதவி என்றான்

கருவாவது பல உருவானது சிலவே

உருவானது பல பிறந்தது சிலவே

பிறந்தது பல வாழ்ந்தது சிலவே

வளர்ந்தது பல முதிர்ந்தது சிலவே

இனிமையான அரிதான அழகான வாழ்வை வாழ்ந்து பார்ப்போம்

எத்தனை இன்பம் வைத்தாய் இறைவா என கொண்டாடுவோம்

மனம் விட்டு சிரிப்போம் உளம் மகிழ்ந்து வாழ்வோம்.

http://arthamullainiyamanam.wordpress.com/

by sawmya Sun Oct 13, 2013 4:43 pm

எது நடக்கிறது அது நன்றாகவே நடக்கிறது... புன்முறுவல்

வாழ்வோம் மனம் விட்டு சிரித்து

வாழ்வோம் மனம் விட்டு சிரித்து

Re: வாழ்வோம் மனம் விட்டு சிரித்து