மழை, குளிர் காலத்தில் பின்பற்ற வேண்டியவை!

மழை மற்றும் குளிர் காலத்தில், முடிந்தவரை, வெதுவெதுப்பான சூழ்நிலையில் இருப்பது அவசியம். ஒருவரின் உடல் எதிர்ப்பு சக்தியை பொறுத்தே குளிரை தாங்க முடியும். ஆனால், குளிரால் தொற்றும் தொற்றுக்கிருமியை, சாதாரணமாக ஒதுக்கி விட முடியாது.

கோடை காலத்தை விட, மழை மற்றும் குளிர் காலத்தில் தான், தொற்றுக்கிருமிகள், எளிதில் பரவும். அதனால், நவம்பர் முதல் மார்ச் வரை உஷாராக இருப்பது நல்லது.

ஆங்கிலத்தில், "சாட்' எனப்படும், "சீசனல் அபெக்டிவ் டிசார்டர்' என்ற, பாதிப்பு, குளிர் காலத்தில்தான் அதிகமாக ஏற்படுகிறது. இது, வைட்டமின், "டி' சத்து குறைவை, ஏற்படுத்தி உடல்வலி, காய்ச்சல் உட்பட எல்லாவித பாதிப்பையும் ஏற்படுத்தும். வைட்டமின், "டி' சத்து, உள்ள உணவு வகைகளை குளிர்காலத்தில், எடுத்துக் கொள்வது முக்கியம்.

மழைக்காலங்களில் எளிதில் பரவுவது வைரஸ் தொற்றுக்கிருமிகள் தான். ஜலதோஷம், ப்ளூ காய்ச்சல் போன்றவை, மழை மற்றும் குளிர்காலத்தில் பெரும்பாலோருக்கு வரும். அதனால், மழைக்காலத்தில், வெந்நீர் பருகுவது நல்லது. எந்த ஒரு காலகட்டத்திலும் உடலுக்கு எல்லா வகையிலும் நன்மை தருவது குடிநீர். ஒரு நாளைக்கு, மூன்று லிட்டர் வரை தண்ணீர் குடிக்கலாம். இவ்வாறு குடித்து வந்தால், நோய் எதிர்ப்பு சக்தி ஏற்படுவதுடன், உடல் பளபளப்பும் ஏற்படும்.

மழை மற்றும் குளிர் காலங்களில் வயதானவர்கள் அதிகாலையில் எழுவதை தவிர்க்க வேண்டும். அதுபோல, வெயில் வந்தபின், உடற்பயிற்சி செய்யலாம். ஜலதோஷம், காய்ச்சல் வருவதை தவிர்க்க, குளிர் பானங்கள் அருந்துவதை தவிர்க்க வேண்டும்.

இக்காலங்களில், வெளியில் செல்லும்போது, காலில் செருப்பு அணிந்து செல்லுங்கள். வீட்டிற்குள் வந்ததும், டெட்டால் கலந்த தண்ணீரில், கை கால் கழுவுவது அவசியம். வீட்டிற்குள் இருக்கும்போது, காலில், மெல்லிய சாக்ஸ் அணிந்து கொள்ளலாம். வெறும் தரையில் படுப்பதை தவிர்க்கவும். உணவு சூடாக இருக்கும்போதே சாப்பிடுவது நல்லது.

ஈரக்காற்று பாதிப்பிலிருந்து காத்துக் கொள்ள, காதில் பஞ்சு வைத்துக் கொள்ளுங்கள். வீட்டிற்குள்ளும், வீட்டைச் சுற்றிலும் தண்ணீர் தேங்காமல் பார்த்துக் கொண்டாலே, பாதிப் பிரச்னை தீரும். நெருப்பில் வேப்பிலையை போட்டு, புகை மூட்டம் ஏற்படுத்தி, வீட்டிற்குள் இருக்கும் கொசு, கரப்பான் பூச்சி போன்றவற்றை விரட்டியடியுங்கள்.
பாத்ரூம், டாய்லெட்டை, பினாயில் ஊற்றி கழுவுங்கள். மழை மற்றும் குளிர் காலத்தை நோய் பாதிப்பில்லாமல், "என்ஜாய்' செய்யுங்கள்.

- ஐடியா அம்புஜம்.

நல்லதொரு பகிர்வு.. நன்றி முரளி

மழை மற்றும் குளிர் காலங்களில் வயதானவர்கள் அதிகாலையில் எழுவதை தவிர்க்க வேண்டும்

 முரளியண்ணன் மழை மற்றும் குளிர் காலங்களில் வெளில போக கூடாதா?