தடைகளை தகர்த்து ஜெயித்து காட்டுவேன்...

by sawmya Mon Nov 11, 2013 11:56 am

நாள்காட்டியில் ஒரு தாளைக் கிழிக்கும்போது கையிருப்பு நாட்களில் ஒன்று கிழிக்கப்படுகிறது என்று உணர்ந்து ஒவ்வொரு நாளையும் கவனமாக எதிர்கொள்ள வேண்டும். வாய்ப்புகளைத் தேடிக்கண்டுபிடித்து அவற்றைக் குழந்தைகளைக் காப்பது போல் கண்ணும் கருத்துமாகப் பாதுகாத்து வெற்றிபெற வேண்டும்.
உங்கள் துறையை அடையாளம் காணுங்கள். அந்தத் துறையை நீங்கள் சாதிப்பதற்கான துறையாகத் தேர்வு செய்து கொள்ளுங்கள்.
உங்கள் தெளிவான முதன்மை இலக்கை எழுதுங்கள். இலக்குகள் அனைத்துக்கும் கால வரையறை செய்யுங்கள். உங்களது இலக்குகளை முன்னுரிமை அடிப்படையில் வரிசைப்படுத்தி செல்லுமிடமெல்லாம் சுமந்து செல்லுங்கள்.
இலக்கை நீண்ட காலத்திட்டம், ஆண்டுத்திட்டம், மாதாந்திரத் திட்டம், இன்றையதிட்டம் என ஆய்வு செய்து அடுத்த நாள் பணித்திட்டத்தை உருவாக்குங்கள்.
உங்கள் பள்ளி நாட்கள் முதல் இன்றுவரை நீங்கள் பல்வேறு துறைகளில் பெற்ற வெற்றிகள் பட்டியலிட்டு அவ்வப்போது இந்த வெற்றிப் பட்டியலை எடுத்துப் படியுங்கள். உங்கள் தோற்றத்தை உயர்த்துங்கள். விரும்பும் ஒரு தன்மையைப் பெறுவதற்கு, ஏற்கனவே இருப்பதுபோல் நடியுங்கள்.
நீங்கள் செய்யும் செயலில் ஈடுபாட்டை வளர்த்துக் கொள்ளுங்கள். அந்த செயலில் செயற்கை நிர்பந்தத்தை உருவாக்கிக் கொண்டு வேகமாகவும், சிறப்பாகவும் செய்து முடியுங்கள். மனப்பயிற்சியில் ஈடுபடுங்கள். பிறகு தொட்டதெல்லாம் பூவாகும். பொன்னாகும்.
உங்கள் வரவு செலவுகளைத் துல்லியமாகக் கணக்கிட்டு வையுங்கள். கடன்களைத் திட்டமிட்டு அடையுங்கள். புதிய கடன்களைத் தவிர்த்திடுங்கள். வரவுகளை அதிகரியுங்கள். குறைந்தபட்சம் 10 சதவீதம் சேமிப்பைத் தொடங்குங்கள். சேமிப்பின் விகிதத்தை மெல்ல உயர்த்துங்கள். இன்றிலிருந்து ஓர் ஆண்டுக்குள் (… … தேதிக்குள்)… ரூபாய் சம்பாதிப்பேன் என எழுதி கண்ணில் படும்படி எழுதி வையுங்கள்.
நேரத்தைப் பணமாகவும், தங்கக் காசுகளாகவும் கற்பனை செய்து கவனமாகக் கையாளுங்கள். உங்களது தெளிவான முதன்மை இலக்கும், பிற இலக்குகளும் கால வரையறை செய்யப்பட்டிருப்பதை உறுதி செய்யுங்கள்.
உங்கள் பணிகளை முக்கியத்துவம் அவசரம் அடிப்படையில் ஏ பி சி டி என வகைபிரித்து அணுகுங்கள். ஏ வகைப் பணிகளை முழு ஆற்றலுடன் செய்து முடியுங்கள். பி வகைப் பணிகளை பின்னொரு சமயம் பொருத்தமான நேரம் ஒதுக்கித் திட்டமிடுங்கள். சி வகைப் பணிகளை உதவியாளர்கள் மூலமாகவோ அல்லது தொலைபேசி மூலமாகவோ நிறைவேற்றுங்கள். டி வகை பணிகளை சாத்தியமானவரை தவிர்த்து விடுங்கள்.
குறித்த நேரத்துக்கு முன்பாகச் செல்லுங்கள். ஒழுங்கமைக்கும் கலையில் நிபுணராக மாறுங்கள். உங்களது புற ஒழுங்கமைப்புக்கு, மன ஒழுங்கமைப்பும் முக்கியம் என்பதை எப்போதும் நினைவில் வையுங்கள்.
கண்களைப் பார்த்து கனிவுடன் பேசுங்கள். மற்றவரின் நல்ல அம்சங்களை மனம் திறந்து பாராட்டுங்கள். நன்றாக பேசும் பயிற்சியை மேற்கொள்ளுங்கள். உறவு வட்டத்தை விரிவு படுத்துங்கள். ஒரு சாதாரண கைகுலுக்கலாக இருந்தாலும், சில கோடி ரூபாய் மதிப்புள்ள ஒப்பந்தமாக இருந்தாலும் வெற்றி… வெற்றி அணுகுமுறை மிகுந்த பலனளிக்கிறது. அதனால் வெற்றி… வெற்றி அணுகுமுறைக்கு பழகிக்கொள்ளுங்கள்.
இன்றைய தினம் உங்களது மிகவும் சவாலான பிரச்சனை என்ன என்று சிந்தியுங்கள். எதிர்காலத்தைப் பற்றி சிந்தியுங்கள்.
தோல்விகளையே வெற்றிகளாக மாற்றும் கணித சூத்திரத்தை உங்கள் கண்ணில் அடிக்கடி படும் இடத்தில் எழுதி வையுங்கள்.
அதிக தோல்விகளும், அதிக பாடங்களும் ‘வெற்றி’ பெற வழிவகுக்கும்.
இந்த நொடியிலிருந்து நீங்கள் ஒரு புதிய மனிதர், புதிய கண்ணோட்டம், புதிய வேலை முறை, புதிய ஆற்றல் கொண்ட ஒரு புதிய மனிதர் நீங்கள் உங்களது சாதனைகளுக்காக உங்கள் சுற்றமும் உங்களது துறையும் மட்டுமல்ல, இந்த உலகமே காத்திருக்கிறது.

-ந.ரா. சுப்ரமணியம்

by ragu Mon Nov 11, 2013 2:58 pm

ரொம்ப நல்ல கட்டுரை... நன்றிங்க

தடைகளை தகர்த்து ஜெயித்து காட்டுவேன்...

தடைகளை தகர்த்து ஜெயித்து காட்டுவேன்...

Re: தடைகளை தகர்த்து ஜெயித்து காட்டுவேன்...