வீட்டுக்கடன் விவரங்களை அறிவோம்!

by முரளிராஜா Sat Nov 16, 2013 5:47 pm

[You must be registered and logged in to see this image.]

இன்று பெரும்பாலானோரின் சொந்தக் வீட்டுக் கனவை நனவாக்கக் கைகொடுப்பது வீட்டுக்கடன்தான். மாதச் சம்பளம் பெறும் பலர், வீட்டுக்கடனை நம்பித்தான் இந்த முயற்சியில் இறங்குகின்றனர். வீடு கட்ட வழங்கப்படுவது வீட்டுக்கடன் என்று தெரியும்.

ஆனால் அதன் உள்விவரங்கள் தெரியுமா? வீடு வாங்குவதற்கு, வீடு கட்டுவதற்கு மட்டுமின்றி, வீட்டை விரிவுபடுத்துவதற்கு, வீட்டை மேம்படுத்த என பலவிதமான கடன் வசதிகள் அளிக்கப்படுகின்றன. பலவிதமான வட்டி விகிதங்களும் உள்ளன.

கடனை திருப்பிச் செலுத்த நீங்கள் போதுமான அளவு சம்பாதிக்கிறீர்கள் என நிரூபித்தால் போதும். பணம் கொடுக்க பல நிறுவனங்கள், வங்கிகள் தயார். எந்தெந்த நிறுவனங்கள்?

பாரத ஸ்டேட் வங்கி, இந்தியன் வங்கி போன்ற பொதுத் துறை வங்கிகளும், ஹட்கோ, எல்.ஐ.சி., மற்றும் பல தனியார் வங்கிகளும், நிதி நிறுவனங்களும் வீட்டுக்கடன்களை அளிக்கின்றன.

நிலையான வட்டி விகிதக் கடன்கள் இந்த வகைக் கடன்களின் வட்டி விகிதம் தவணைகளைத் திருப்பிச் செலுத்தி முடியும் வரை மாறாமல் நிலையாக இருக்கும். தற்போதைய வட்டிவிகிதம் 13 சதவீதமாக உள்ளது. மாதத் தவணைகள் ஒரே அளவானவையாக இருக்கும்.

இதில் உள்ள நன்மை, நடப்பு வட்டி விகிதம் திடீரென உயர்ந்தால் கடன் வாங்கியவருக்கு பாதிப்பு இருக்காது. ஆனால் அதேபோல நடப்பு வட்டி விகிதம் குறைந்தாலும் வாடிக்கையாளரின் கடனுக்கு வட்டி விகிதம் குறைக்கப்பட மாட்டாது.

மாறுபடக்கூடிய விகிதாச்சார கடன்கள் முதல் வகை கடன் உங்களுக்கு நன்மை தராது என்று நினைத்தால் இந்த முறையைத் தேர்வு செய்யலாம். இந்த முறையில், வட்டி விகிதம் பெருமளவு குறைந்தால் உங்களுக்கு நன்மை. ஆனால் வட்டி விகிதம் உயர்ந்தால் அதிகம் செலுத்த வேண்டியிருக்கும்.

இதிலும் மாதாந்திரத் தவணை ஒரே அளவானதுதான். வட்டி விகிதத்தின் வேறுபாட்டைப் பொறுத்து நீங்கள் திருப்பிச் செலுத்தும் காலம் வேறுபடும். அதிகபட்சம் 15 வருடங்களுக்கு இந்தக் கடனை நீட்டிக்க இயலும். வீட்டின் மதிப்பில் 85 சதவீதம் வரை கடனாகப் பெறலாம்.

நன்றி மாலை மலர்