தெரிந்ததில் தெரியாதது..

by பூ.சசிகுமார் Tue Sep 18, 2012 10:01 pm

பகையாளி குடியை உறவாடி கெடு...

அறிந்த விளக்கம்:

பழமொழிகள் எவ்வாறு வசதிக்கேற்ப வளைத்து
தப்பான பொருளை தந்து பயன்படுத்தப்பட்டு கொண்டிருக்கின்றன என்பதை
உணர்த்தும் மற்றொரு உதாரணம் இது..

இதை நேரடியாக
பொருள் கொண்டால்,
நமது எதிரி குடும்பத்தை பழகிக்கொண்டே
அவர்களை நயவஞ்சகமாய் அழித்துவிட வேண்டும்
என்று அவ்விதமே உலக வழக்காடலிலும்
இருந்துவருகிறது.. ஆனால்,
உண்மையான வடிவம் இது அல்ல...

அறியாத விளக்கம்:

இந்த பழமொழியின் சரியான வடிவம்
"பகையாளி பகையை உறவாடி கெடு " என்றிருக்க
வேண்டும்...

அதாவது நம்மை பகைமை
பாராட்டுபவனிடம் அன்பாய் நடந்துகொண்டு,
நல்ல முறையில் அணுகி, பழகி அவன் கொண்டுள்ள
பகைமை உணர்ச்சியை மாற்றி / நீக்கி அந்த
உறவை நட்புறவாக்கிக் கொள்ள வேண்டும்
என்பது திரிந்து,
பகை குடியாகி பழமொழியின்
வடிவம் இப்படி மாறி போய்விட்டது...