அறிஞர்களின் பொன்மொழிகள்!

** பிறரை பாராட்டுங்கள். பாராட்டு கிடைக்கும், பிறரை மதியுங்கள். மதிப்பு கிடைக்கும், பிறரிடம் அன்பு செலுத்துங்கள். அன்பு தேடி வரும்!

**அஞ்சவேண்டாத விஷயங்களுக்கு அஞ்சுபவர்களும் அஞ்சவேண்டிய விஷயங்களுக்கு அஞ்சாதவர்களும் தீய வழியில் செல்கிறார்கள்!

**கோள் கேட்பவர் இல்லையாயின் கோள் சொல்பவரும் இல்லை.

**நீங்கள் முக்கியமாக இரண்டு செய்கைகளை மறந்துவிட வேண்டும்.ஓன்று நீங்கள் பிறருக்கு செய்த உதவி. மற்றொன்று பிறர் உங்களுக்கு செய்த தீங்கு.

**சொன்ன சொல் கேளாத மக்களும், மனைவியைப் போற்றாத கணவனும், வீட்டுப் பொருளை வீணே அழிக்கின்ற மனைவியும் எவருக்கும் பயனில்லாதவர்கள்.

**பொறுமையிலும் உயர்ந்த தவமில்லை.
திருப்தியிலும் உயர்ந்த இன்பமில்லை.
ஆசையினும் பெரிய தீமையில்லை.
கருணையிலும் பெரிய அறமில்லை.
மன்னித்தலிலும் ஆற்றல் மிக்க ஆயுதமில்லை!

**ஒருவன் தன்னைப்பற்றி அதிக உயர்வாக எண்ணுவதும் அதிக தாழ்வாக எண்ணுவதும், இரண்டுமே தவறுதான்.

**கடன் வாங்குபவர்கள் கவலையையும் சேர்த்தே வாங்குகிறார்கள்!

அனைத்தும் பொன்னான அறிவுரைகள்

சிந்திக்க வைத்த வரிகள்