காத்திருந்த என் கடைசி வரி

தேனும் அமுதும் பாற்கடலில் முக்குளித்து முக்திபெற்று வந்தது.. நீயாக
உன்னருகே என் உயிர் உறிஞ்சி அதை கலந்திட்டேன் பெண்ணே உன்னுள்ளே
தென்றலின் அணைப்புக்குள் உறங்குகின்ற மரக்கிளைகளும் மல்லுக்கட்டும்
அதில் குடிகொண்ட மலர்களும் பல்லுக்காட்டும் உன்னைப் பார்த்து

சாந்தமான உள்ளத்தில் காந்தமாய் வந்து ஒட்டியவளே என் தோழியே
உன் தோழில் சாயும் ஓர் நிமிடம் உலகமே என் கண்மணிக்குள் கரைந்துவிடும் தூசாக
உன் வியர்வைத்துளிக்குள் உப்பாக நானிருந்தாலும் தப்பில்லை கண்ணே
உவர்ப்பாய் நானிருந்து உன் சுவாசம் குடித்த மகிழ்வினிலே மலர்ந்தும் போய்விடுவேன்

நீ துவட்டிய கூந்தலில் என் மனத் துளிகள் மணக்கிறதா என் தாயுமானவளே
அந்த ஈரத்தில் நானும் நாளும் குளித்திட உந்தன் அனுமதி தருவாயா
உன் விரல் நகங்களின் இடுக்குகளில் எட்டிப் பார்க்கிறது என் உறைந்து போன அன்பு
நீ நகங்களை வெட்டுகின்றபோது காற்றோடு கலந்தததைக் கண்டாயோ உயிரே

உன் பற்களை கொள்ளையிடுகின்ற சிரிப்புக்களின் மத்தாப்பில் சிலிர்க்கிறேன்
உன் கன்னக் குழியினிலே என் எண்ணக் கனவுகளைக் காண்கிறேன் தாயே
உன்தன் சேயாக நானும் உன் மடிசேரும் நன் நாளை மனந்திறந்து சொல்
அத்தினத்தில்தான் என் கரைந்துபோன நுரையீரல் காற்று முழுதாக முக்திபெறும்

இரவுகளைக் கரைத்து உன் இமைக்கு மை பூசி நீயும் விழித்திருக்க
நானும் உனக்காய் அவ்விரு கண்களுக்காய் காத்திருக்க கரையுதடி காலம்
என் தோழில் உன் முகம் புதைக்கு தோண்டுகிறேன் குழியை என் மனதில்
உன் முகம் பார்த்து அதில் என் அகம் பார்க்கும் நாள் வாராதோ கண்மணியே

என் கவியின் ஓரத்தில் காத்திருந்த கடைசி வரி இதுதான் கண்ணே
என் குடும்பத்தின் குலம் சிறக்க உன்னைவிட யாருண்டு எனக்கு என்னுயிரே
திருமணம் முடிக்க முன் நம் இரு மனம் இணைந்ததால் வீசுகிறது நறுமணம்
அன்பே நான் உன்னோடு வாழ்கிறேன் உன் கணவனாகவல்ல.. உன் உயிராக...

நீ துவட்டடிய கூந்தலில் என் மனத் துளிகள் மணக்கிறதா என் தாயுமானவளே
அந்த ஈரத்தில் நானும் நாளும் குளித்திட உந்தன் அனுமதி தருவாயா
உன் விரல் நகங்களின் இடுக்குகளில் எட்டிப் பார்க்கிறது என் உறைந்து போன அன்பு
நீ நகங்களை வெட்டுகின்றபோது காற்றோடு கலந்தததைக் கண்டாயோ உயிரே

அழகோ அழகு...

நன்றி

தமிழை தேனாக பருகலாம் உங்கள் கவிதையில்! இப்படியே தொடருங்கள்..

அருமை தாசிம்

அருமை அருமை
வாழ்த்துக்கள்