சத்துப்பட்டியல்: வெனிலா பீன்ஸ்

வெனிலா பீன்ஸ் என்பது ஒருவித அவரை வகையைச் சேர்ந்தது. பேச்சு வழக்கில் பயிற்றங்காய் (பயிறு) என அழைக்கப்படுகிறது. மாவுச்சத்து மற்றும் சர்க்கரைச் சத்து மிகுந்த வெனிலாவில் உடலுக்கு அத்தியாவசியமான பல்வேறு சத்துக்களும் காணப்படுகின்றன.

* மத்திய அமெரிக்காவை தாயகமாகக் கொண்டது வெனிலா அவரை. ஸ்பெயின் படைகள் மெக்சிகோவில் 1520-ம் ஆண்டுகாலத்தில் தங்கள் காலனியை உருவாக்கிய போதே, அங்குள்ள பழங்குடி மக்கள் வெனிலாவை இனிப்புடன் சேர்த்து கூழாக்கி புத்துணர்ச்சி பானம்போல பருகி வந்திருப்பதாக வரலாற்றில் பதிவாகி இருக்கிறது.

* காலப்போக்கில் ஸ்பெயின் காலனிகள் பரவிய இடங்களில் எல்லாம் வெனிலாவும் பயிரிடப்பட்டன. தற்போது உலகின் வெப்பமண்டல நாடுகள் பலவற்றிலும் வெனிலா அவரை பயிராகிறது. வெனிலா அவரையின் தாவர குடும்பம் ஆர்சிட்யேசியே, இதன் அறிவியல் பெயர் வெனிலா பிலானிபோலியா.

* வெனிலாவில் ஒற்றை மற்றும் கூட்டுச் சர்க்கரைப் பொருட்கள் மிகுதியாக காணப்படுகின்றன. அதனால் ஐஸ்கிரீம் உள்ளிட்ட பல்வேறு பதார்த்தங்கள் தயாரிப்பில் பயன்படுகிறது.

* 100 கிராம் வெனிலா அவரை உடலுக்கு 288 கலோரி ஆற்றல் தரக்கூடியது. மேலும் அத்தியாவசிய எண்ணெய்ப் பொருட்கள், வைட்டமின்கள், தாதுக்களும் கணிசமான அளவில் அடங்கி உள்ளன. *கார்போஹைட்ரேட் நிறைந்து உள்ளது. 100 கிராம் வெனிலாவில் 12.65 கிராம் கார்போஹைட்ரேட் உள்ளது குறிப்பிடத்தக்கது.

* மிகக்குறைந்த கொழுப்புச்சத்து கொண்டது வெனிலா. 100 கிராம் வெனிலாவில் 0.06 கிராம் கொழுப்பு காணப்படுகிறது.

* வெனிலின் எனப்படும் முதன்மை ரசாயனப் பொருள் வனிலாவில் காணப்படுகிறது. இயுஜெனால், காப்ரோயிக் அமிலம், பீனால், பீனால் ஈதர், ஆல்ஹகால், பார்போனைல் அமில மூலக்கூறுகள் போன்ற துணை ரசாயனப் பொருட்களும் காணப்படுகின்றன. இவை பல்வேறு உடற்செயல்பாடுகளுக்கு துணை நிற்பவை.

* பி-குழும வைட்டமின்களான நியாசின், பான்டோ தெனிக் அமிலம், தயாமின், ரிபோபிளேவின் மற்றும் வைட்டமின் பி-6 போன்றவை மிகச்சிறந்த அளவில் காணப்படுகிறது. இவை நொதிகளின் செயல்பாட்டிற்கும், உடல் வளர்ச்சிதை மாற்றத்திற்கும் பெரிதும் உதவுகின்றன. நரம்பு மண்டலம் சீராக செயல்படவும் இந்த வைட்டமின்கள் அவசியம்.

* கால்சியம், மக்னீசியம், பொட்டாசியம், மாங்கனீசு, இரும்பு மற்றும் துத்தநாகம் போன்ற தாதுக்களும் குறிப்பிட்ட அளவில் காணப்படுகின்றன. இவற்றில் பொட்டாசியம் உடல்செல்கள் வளவளப்புத்தன் மையுடன் இருக்கவும், இதயத் துடிப்பு மற்றும் ரத்தஅழுத்தம் சீராக இருக்கவும் உதவுகிறது.

மாங்கனீசு மற்றும் தாமிரம் போன்றவை சிறந்த நோய் எதிர்ப்பு பொருட்களாகவும், நொதி களின் செயல்களை ஊக்குவிக்கும் துணைக்காரணிகளாகவும் செயல்படுகின்றன. இரும்புத்தாது ரத்த சிவப்பணுக்கள் உற்பத்திக்கு அத்தியாவசியமாகும்.

நன்றி -http://www.maalaimalar.com/2013/12/13090814/Nutrient-list-vanilla-beans.html

நல்லதொரு தகவலுக்கு நன்றி செந்தில்