மாப்பிள்ளை ஈசன்

ஒரு சமயம் பார்வதி தேவி, மீனவப் பெண்ணாக
அவதரித்தாள்.
-
உரிய காலத்தில் அவளை மணக்க விரும்பிய ஈசன்,
பயங்கர உருவம் கொண்ட மீனை அனுப்பி, மீனவர்களை
அச்சுறுத்தினார். பின்தானே மீனவர் வேடம் பூண்டு வந்த,
அந்த மீனை அடக்கி மீனவப் பெண்ணான பார்வதியை
மணந்து கொண்டு ரிஷபாரூடராகக் காட்சி கொடுத்தார்.
-
தன் மகளை ஈசன் கயிலைக்கு அழைத்துச் சென்று
விட்டால், அவளை மீண்டும் காண்பது எப்போது என
எண்ணி வருந்தினார் மீனவர் தலைவன். அதையறிந்த
ஈசன், “மாசி மகத்தன்று கடலாட வரும்போது காணலாம்’
என்றார்.
-
இந்த சம்பவம் நடைபெற்ற தலம், திருவேட்டங்குடி,
இத்தலத்து இறைவன் மாசி மகத்தன்று வேட
மூர்த்தியாகவும், அம்மை மீனவப் பெண்ணாகவும்
கடற்கரைக்கு எழுந்தருள்வார்கள்.

அப்போது கடலோர ஊர்களான மண்டபத்தூர், அகரம்
பேட்டை, காளிக்குப்ப மீனவர்கள் தம் இன
மாப்பிள்ளையான மகேசனை “மாப்ளே மாப்ளே’ என
கூவியழைத்துக் கொண்டாடி மகிழ்வார்கள்.
-
திருத்தண்டிகை சௌந்தரநாயகி சமேத
சனத்குமாரேஸ்வரரை குபேரன் மாசிமகத்தன்று
உருக்கமாக வழிபட்டு, சாபத்தால் தான் இழந்த
செல்வங்களைத் திரும்பப் பெற்றாராம்.
-
புதுவை மாநில வைத்திக்குப்பம் கடற்கரையில் மாசி ம
கத்தன்று சுற்ற வட்டாரக் கோயில்களிலிருந்து
நூற்றைம்பதுக்கும் மேற்பட்ட தெய்வங்கள் தீர்த்தவாரிக்கு
வருவார்கள்.

அவர்களோடு மணக்குள விநாயகர், வேதபுரீஸ்வரர்,
வரதராஜபெருமாள், அங்காளம்மன், காளத்தீஸ்வரரும்
சேர்ந்து தரிசனம் அளிப்பார்கள்.
-
வரலாற்றுச் சிறப்புமிக்க கோயில்கள் பண்டிச்சேரியில்
பல உள்ளன. அவற்றுள் ஒன்று, திருக்காஞ்சி கெங்கா
வராகநந்தீஸ்வரர் ஆலயம். மாசிமகத்தன்று
தீர்த்தவாரிக்கு இங்குள் சாரங்கபாணி ஆற்றங்கரைக்கு
வராக நநதீஸ்வரர் எழுந்தருள்வார்.

அப்போது சுற்று வட்டாரக் கோயில்களிலிருந்து
முப்பதுக்கும் மேற்பட்ட சுவாமிகள் ஆற்றின் இரு
கரைகளிலும் கூடி விடுவார்கள். இத்தலம் காசிக்கு
வீசம் அதிகம் என்றும் நீத்தார் கடன் செய்ய சிறப்பான
தலம் என்று கூறுவார்கள்.
-
—————————

ஆர். ராதாபாய், புதுச்சேரி.
நன்றி: குமுதம் பக்தி