புகழ்ச்சி

by ந.கணேசன் Tue Feb 11, 2014 9:29 am

வண்ண வண்ணப் பூக்கள்

வண்ணத்துப் பூச்சியை-அதன்

பட்டுச் சிறகுகளைப்

புகழ்ந்துப் பேசினால்

அதுவே,அதற்கு மகிழ்ச்சி

.

வண்ணத்துப் பூச்சி-தன்

பட்டுச் சிறகின் அழகை-தானே

புகழ்ந்துப் பேசிக் கொண்டால்

அதுவே,தற்பகழ்ச்சி

.

பூக்களெல்லாம்

வண்ணத்துப் பூச்சியை

அதன் அழகியலையோ

அழகின்மையையோ

ஆண்மையையோ

ஆளுமையையோ

விமர்ச்சித்துப் பேசினால்

அது,வஞ்சகப் புகழ்ச்சி

.

பூக்களின் மற்றும்

பறப்பனவைகளின்

விமர்சனங்களை ஏற்றுக் கேட்டு

நெடுங் காற்றின்

கவிப் பயணத்தில்

வண்ணத்துப் பூச்சிகள்

என்றென்றும் அடைவதில்லை

மனத் தளர்ச்சி

.

இயற்கையின் இரகசியங்களை

மன முதிர்ச்சியோடு

ஏற்றுக் கொண்டதால்

கிடைத்த-நற்

கவிதை வாழ்வே

வண்ணத்துப் பூச்சிகளின்

பூரண வளர்ச்சி

.

அந்த

அற்புதத் தருணங்களில்

அதன் பறத்தலைப்

பார்ப்பவருக்கெல்லாம்

என்றென்றும்

மனதை விட்டு அகலாது

ஆனந்தம்,மகிழ்ச்சி.

by ஸ்ரீராம் Tue Feb 18, 2014 8:13 am

நல்லதொரு கவிதையை வித்தியாசமாக தந்தமைக்கு நன்றி

by மகா பிரபு Tue Feb 18, 2014 2:10 pm

அழகான கவிதை..

by ஜேக் Tue Feb 18, 2014 5:05 pm

அதுவே,அதற்கு மகிழ்ச்சி

அதுவே,தற்புகழ்ச்சி

அது,வஞ்சகப் புகழ்ச்சி

மனத் தளர்ச்சி

பூரண வளர்ச்சி

ஆனந்தம்,மகிழ்ச்சி

பட்டுப்பூச்சியின் மொத்த வளர்ச்சி நிலையையும், இலக்கணத்தோடு ஒப்பிட்டு கவிபாடிய உம்மை எவ்வளவு பாராட்டினாலும் தகும் சூப்பர்