ஷிப்ட் மாறி வேலை பார்த்தால் சர்க்கரை நோய் வரும்

by mohaideen Tue Feb 25, 2014 4:58 pm

ஒரு மனிதனின் உணவுத் திட்டம், தூக்கம் ஆகியவை குறிப்பிட்ட நேரத்தில் தொடர்ச்சியாக இல்லாமல் அடிக்கடி மாறும் போது உடலை கண்டிப்பாக சர்க்கரை நோய் தாக்கும். யார் புரோகிராம் செய்ததோ தெரியாது, நம் உடல் எனும் சிஸ்டத்தில் குறிப்பிட்ட நேரத்தில் குறிப்பிட்ட ஹார்மோன்கள் சுரப்பதும், அதற்கான பணிகளை செய்வதும் வழக்கம் போல் நேரம் தவறாமல் நடந்து வருகிறது. புறச்சூழலுக்கு ஏற்ப தன் சிஸ்டத்தை மாற்றிக் கொள்வது மற்றும் நோய் தாக்குதலுக்கு ஏற்ப எதிர்ப்பு சக்தியை உருவாக்குவது என தன் வேலையை மிகவும் அறிவுப் பூர்வமாக உடல் தனக்குத் தானே செய்து கொள்கிறது.

ஷிப்ட் மாறி வேலை பார்த்தால் சர்க்கரை நோய் வரும் Open_office_1237727c

ஷிப்ட் மாறி வேலை பார்த்தால் சர்க்கரை நோய் வரும் Open_office_1237727c

உயிர்ச்சங்கிலியில் ஒரு கன்னி அறுந்தாலும் அது இயற்கையின் செயல்பாட்டில் மிகப்பெரிய மாறுதல்களை உருவாக்கும். ஒரு உயிரினம் அழிக்கப்படும் போது அதற்கான விலையை இந்த சமூகம் கொடுக்கத் தவறுவதில்லை. இதே போல் தான் உடலும். கணினியில் வைரஸ் தொற்று ஏற்பட்டால் செயல் இழக்கிறது. தான் சேமித்து வைத்ததை எல்லாம் தொலைத்து விடுகிறது. கணினியால் தனக்குத் தானே ஆன்ட்டி வைரஸை உற்பத்தி செய்து கொள்ளத் தெரியாது. ஆனால் உடலுக்குத் தெரியும்.

உடலுக்கான செயல்பாடுகள் நேர் கோட்டில் இருந்தால் தான் இடையில் வரும் தடைகளை முன் கூட்டியே அனுமானித்து அதனால் தடுக்க முடியும். அடிக்கடி பாதையை மாற்றிக் கொண்டே இருப்பது போல் உணவு, தூக்கம் மற்றும் அன்றாட செயல்பாடுகளுக்கான நேரம் ஷிப்ட் முறையில் மாறும் போது உடல் பருமன் மற்றும் சர்க்கரை நோயை உடல் சந்திக்கிறது

அமெரிக்காவின் ஹார்வர்டு பல்கலைக்கழகம் நடத்திய ஆய்வில் ஷிப்ட் வேலை செய்யும் போது சர்க்கரை நோய் தாக்குவது கண்டறியப்பட்டுள்ளது. உடல் எடை கூடுவதும் உறுதி செய்யப்பட்டுள்ளது. ஒரு வாரம் பகலில் வேலை மறு வாரம் இரவுப் பணி என மாறும் போது சர்க்கரை நோய் தாக்கும். மாதத்திற்கு 4 நாட்கள் வரை இரவு ஷிப் வேலை செய்யும் பெண்கள் உடல் பருமன் பிரச்னையால் பாதிக்கப்படுகின்றனர்.

தூங்கும் நேரம் மாறும் போதும் இரவு நேரத்தில் கண் விழித்து வேலை பார்க்கும் போதும் ஹார்மோன் செயல்பாட்டில் மாற்றம் ஏற்படுகிறது. இதனால் இன்சுலின் ஹார்மோன் வேலை செய்வது குறைகிறது. தூக்கம் கெடும் போது அதிக பசியைத் தூண்டுகிறது. இதன் காரணமாக அதிக உணவு எடுத்துக் கொள்வதால் எடை அதிகரிக்கும் வாய்ப்பு உருவாகிறது. பகல் மற்றும் இரவு ஷிப்ட் என வேலை மாறுவதால் குறித்த நேரத்துக்கு உடற்பயிற்சி செய்ய முடியாது. இரவு நேர வேலையால் உடற்பயிற்சி பாதிப்பதுடன் தூக்கம் கெட்டு மனக்குழப்பத்துக்கு ஆளாக நேரிடும்.

ஷிப்ட் மாறி வேலை பார்த்தால் சர்க்கரை நோய் வரும் Britain-commuters_1721232c

ஷிப்ட் மாறி வேலை பார்த்தால் சர்க்கரை நோய் வரும் Britain-commuters_1721232c

பகலில் வேலை பார்ப்பவர்கள் மாலை நேர ஷிப்ட் பார்க்கும் போது பெரிய பாதிப்பு ஏற்படாது. எனவே பெண்கள் மற்றும் சர்க்கரை நோயாளிகள் ஒரே ஷிப்ட் வேலை பார்ப்பது போல் சூழலை மாற்றிக் கொள்ள வேண்டும். தவிர்க்க முடியாமல் ஷிப்ட் வேலை பார்க்கும் சூழல் அமைந்து விட்டால் ஒரே இடத்தில் அமர்ந்து வேலை செய்யக் கூடாது. நடந்து கொண்டே வேலை பார்க்க வேண்டும். டீ, காபி, பிஸ்கட் ஆகியவற்றை தேவையற்ற நேரத்தில் சாப்பிடுவதைத் தவிர்க்கலாம். வேலை நேரத்தில் டென்சன் ஏற்படாமல் பார்த்துக் கொள்வதும் அவசியம்,”

http://tamilrockers.net/index.php/topic/25113-%e0%ae%b7%e0%ae%bf%e0%ae%aa%e0%af%8d%e0%ae%9f%e0%af%8d-%e0%ae%ae%e0%ae%be%e0%ae%b1%e0%ae%bf-%e0%ae%b5%e0%af%87%e0%ae%b2%e0%af%88-%e0%ae%aa%e0%ae%be%e0%ae%b0%e0%af%8d%e0%ae%a4%e0%af%8d%e0%ae%a4%e0%ae%be%e0%ae%b2%e0%af%8d-%e0%ae%9a%e0%ae%b0%e0%af%8d/

by kanmani singh Tue Feb 25, 2014 5:50 pm

இது என்னப்பா வம்பா போச்சு....

by sreemuky Tue Feb 25, 2014 9:22 pm

நமது முன்னோர்களின் ஒழுக்கமான வாழ்க்கை முறை நாம் மறந்ததுதான் இதற்கெல்லாம் காரணம்.

ஸ்ரீமுகி

by Muthumohamed Tue Feb 25, 2014 10:12 pm

sreemuky wrote:நமது முன்னோர்களின் ஒழுக்கமான வாழ்க்கை முறை நாம் மறந்ததுதான் இதற்கெல்லாம் காரணம்.

ஸ்ரீமுகி

by ஸ்ரீராம் Wed Feb 26, 2014 10:06 am

பயனுள்ள பகிர்வுக்கு நன்றி முகைடீன்.

by rammalar Wed Feb 26, 2014 10:22 am

ஒரு சிறுவன் மற்றொருவனிடம் கேட்டானாம்

உங்க தாத்தா எப்படி செத்தார்?

சிறுவன் 2: கடலில் மீன் பிடிக்க போனபோது புயலில்
மாட்டிக்கிட்டு..!
-
சிறுவன் 1: உங்க அப்பா..?
-
சிறுவன் 2: அவரும் அப்படித்தான்..!
-
சிறுவன்1: அப்படி இருக்கும்போது மீன்பிடி தொழிலுக்கு
நீயும் போவேன்னு சொல்றியே...உனக்கு பயமாயில்லையா?
-
சிறுவன்2: அதிருக்கட்டும் உங்க தாத்தா எப்படி செத்தாரு?
-
சிறுவன் 1: படுக்கையில் தூங்கிக்கிட்டு இருக்கம்போதே...!
-
சிறுவன் 2: அப்படின்னா உனக்கு படுக்கையில் தூங்க
பயமாயில்லையா...?!
-
----------------------
இதைப் போன்றதுதான் விஞ்ஞானிகளின்
ஆராய்ச்சிகளும்...
-
உருளைக் கிழங்கை சாப்பிடாதே என எச்சரிப்பார்கள்..
-
கொஞ்ச நாள் கழிச்சு, உருளைக்கிழங்கில் சத்துகள் பல
உள்ளன, எனவே அதைப் புறம் தள்ளாதீர்கள் என்பார்கள்...!!

by Sponsored content

ஷிப்ட் மாறி வேலை பார்த்தால் சர்க்கரை நோய் வரும்

ஷிப்ட் மாறி வேலை பார்த்தால் சர்க்கரை நோய் வரும்

Re: ஷிப்ட் மாறி வேலை பார்த்தால் சர்க்கரை நோய் வரும்

Re: ஷிப்ட் மாறி வேலை பார்த்தால் சர்க்கரை நோய் வரும்

Re: ஷிப்ட் மாறி வேலை பார்த்தால் சர்க்கரை நோய் வரும்

Re: ஷிப்ட் மாறி வேலை பார்த்தால் சர்க்கரை நோய் வரும்

Re: ஷிப்ட் மாறி வேலை பார்த்தால் சர்க்கரை நோய் வரும்

Re: ஷிப்ட் மாறி வேலை பார்த்தால் சர்க்கரை நோய் வரும்