மலேசியா தமிழ்த் திரைப்படம் ‘வெண்ணிற இரவுகள்’...

-

தமிழ்நாடு திரைப்பட விழாவில் திரையிடப்பட்டு
பலரது பாராட்டுகளையும் பெற்ற மலேசியா தமிழ்த்
திரைப்படமான ‘வெண்ணிற இரவுகள்’ வரும் 6ஆம்
தேதி திரையரங்குகளில் வெளியாக உள்ளது.

இப்படம் சிங்கப்பூரின் ரெக்ஸ் திரையரங்கிலும்
வெளியாகிறது. பிரகாஷ் ராஜாராமின் இயக்கத்தில்
உருவாகியுள்ள இத்திரைப்படம் மலேசியா, சிங்கப்பூர்,
மியன்மார் ஆகிய நாடுகளில் படமாக்கப்பட்ட முதல்
தமிழ்த் திரைப்படம் என்ற பெருமையை பெறுகிறது.

மலேசிய தமிழ்த் திரையுலகில் இது ஒரு மைல்கல்
என்றும் கூறப்படுகிறது.

கடந்த ஆண்டு ஏப்ரல் மாதம் நடைபெற்ற நார்வே
தமிழ்த் திரைப்பட விழாவில் சிறப்புத் திரைப்படமாக
‘வெண்ணிற இரவுகள்’ திரையிடப்பட்டது.

காதலை மையமாகக் கொண்ட இத்திரைப்படம்
மலேசியா, சிங்கப்பூர், மியன்மார் போன்ற நாடுகளில்
வசிக்கும் இந்தியர்களின் பல்வேறுபட்ட கலாசாரத்தை
பிரதிபலிக்கும் விதமாகவும் படமாக்கப்பட்டுள்ளது.
-
----------------------------------------
நன்றி: தமிழ் முரசு, சிங்கப்பூர்