புதிய பைக்கை தேர்வு செய்வது எப்படி...?

இன்றைய காலக்கட்டத்தில் பைக் என்ற வாகனம் , ஒவ்வொரு வீட்டிலும் இருக்க வேண்டிய அத்தியாசிய பொருளாகிவிட்டது. மிக எளிய போக்குவரத்து சாதனமாகிவிட்ட பைக்குகளை தேர்வு செய்யும்போது அதிக குழப்பம் ஏற்படுவது இயல்பு. சில எளிய வழிமுறைகளை கடைபிடித்தால் பைக் வாங்கிய பின் வீண் குழப்பத்தையும், அவஸ்தையையும் தவிர்த்துக் கொள்ளலாம்.
01. பழைய பைக்கை மாற்ற நினைப்பவர்களும் முதலில் உங்களது பட்ஜெட்டை தெளிவாக்கிக் கொள்ளுங்கள். ஒரு சில ஆயிரங்கள் கூடுதலானால் பரவாயில்லை. ஆனால், பட்ஜெட்டுக்கு மீறி வாங்குவதை தவிர்க்க வேண்டும்.

02. கடன் வாங்க வேண்டும் என்றால் குறைந்தது 30 சதவீத முன்பணத்தை செலுத்தவேண்டும். 18 மாதங்களுக்கு மிகாமல் மாதத் தவணையை போட்டுக் கொள்வது சிறந்தது. அதற்கு மேல் செல்லும்போது கடன் தொகையில் பாதி அளவுக்கு வட்டி வந்துவிடும்.
03. குறைந்தது 3 ஆண்டுகள் முதல் 10 ஆண்டுகள் வரை அந்த பைக் உங்களிடம் இருக்க வேண்டும் என்பதால், கவனமாக முதலீடு செய்ய வேண்டும்.
04. மார்க்கெட்டில் உங்களது பட்ஜெட்டுக்கு தகுந்த பைக் மாடல்களை வரிசைப்படுத்துங்கள். அதில், உங்களது உயரம் மற்றும் எடைக்கு தகுந்த பைக்குகளை தேர்வு செய்யுங்கள்.
05. 40 வயதை கடந்தவர்கள் நிச்சயம் சரியான சீட்டிங் பொஷிசன் கொண்ட பைக்குகளை பார்த்து வாங்குவது நல்லது. மனைவியையும் அலுவலகத்திற்கு தினசரி அழைத்துச் செல்பவர்கள் ஸ்போர்ட்ஸ் பைக் மற்றும் சில பைக் மாடல்களை தவிர்ப்பது நல்லது.
06. குழந்தைகளை அழைத்துச் செல்ல வேண்டியிருப்பவர்கள் எரிபொருள் டேங்க் பெரிதாக உள்ள பைக்குகளை வாங்க வேண்டாம்.
07. சிறந்த சேவை மற்றும் சர்வீஸ் வசதியை வழங்கும் டீலர்களை தேர்வு செய்து பைக் வாங்குங்கள். இதற்காக, ஒரு சிறு விசாரணை போடுவதும் நல்லது.
08. அதிகம் விற்பனையாகும் மாடல்களுக்கு முன்னுரிமை கொடுக்க வேண்டும். நடுவழியில் ஏதெனும் பழுது ஏற்பட்டால் கூட எந்தவொரு மெக்கானிக் கடைகளிலும் எளிதாக பழுது நீக்கிக் கொள்ளலாம்.
09.பெட்ரோல் விலை தாறுமாறாக உயர்ந்துள்ள நிலையில், அதிக மைலேஜ் கொடுக்கும் பைக்குகளை தேர்வு செய்வது நல்லதுதான்.
10. பைக்கை தேர்வு செய்யும்போது உங்களது நண்பர்கள் மற்றும் உறவினர்களிடம் சிறு விசாரணை போடுங்கள். அவர்களது ஆலோசனைகளையும் கேட்டுக் கொண்டு புதிய பைக்கை தேர்வு செய்யுங்கள்.



நன்றி -http://www.sikams.com/automobile/158-bike/34907-bike-new-choose-safe-transport.html

அப்படியே என்ன பைக் ன்னு சொல்லி இருக்கலாமுல்ல ?