பாரதி கண்ட புதுமைப்பெண்

ஆயிரங்கள் பல அளித்து-அவளின்
ஆரம்பக் கல்வியாம் ஆங்கிலோ இந்தியனில்
தாயும் தந்தையும் மம்மி டாடி ஆயினர்-அவள்
நாவிலும் சிந்தையிலும் தமிழ்த்தாய் ஓடிப் போயினள்
பதின்வயதிலே பருவம் அடைகிறாள்
புதிதாய்ப் பூத்த பூவாய் பொலிவு பெறுகிறாள்
கன்னி இவள் பள்ளியை முடித்து
கணிணியை அவள் கல்லூரியில் படித்து
அகவை இருபத்தொன்றிலே அவளுக்கு
தகவல் தொழில்நுட்பத்துறையில் வேலையாம்
அழகூட்டும் பாரம்பரிய சேலையை விடுத்து
அங்கம் காட்டும் மேற்கத்திய ஆடையை உடுத்தி
நுனி நாக்கிலே ஆங்கிலம் பேச
மேனி எங்கும் வாசனைத் திரவியம் வீச
பேஸ்புக் அக்கவுண்டிலே சாட்டிங்கும்
பேஸியல் செய்துகொண்டு டேட்டிங்கும்
ஊர் சுற்றுவதற்கு ஒரு ஸ்கூட்டியும்
பீர் குடிப்பதற்கு ஒரு பார்ட்டியுமாய்
இரவு விடுதிகளில் இவர்கள் ஆடுவது ஆட்டம் மட்டுமா?-இல்லை
முதலிரவு செல்வதற்கான வெள்ளோட்டத்தையும் எட்டுமா?
கற்புக்கன்னியாய் கண்ணகி வாழ்ந்த எம்தமிழ்நாட்டில்
கணிணிக் கன்னிகளாய் கற்பை விற்கின்றனர் இண்டர்நெட்டில்-ஒருவேளை
பாரதி கனவுகண்ட புதுமைப்பெண்கள்
பாரே கதி என்றிருக்கும் இவர்கள்தானோ?.

பாலவீரா..... நெத்தி அடி
மேற்கத்திய கலாசாரம் வாழ்கையை சீரழிக்கும்
இன்றைய இளம் பெண்கள் இதை உணர வேண்டும்.

28 வயது இளைஞர் இன்றைய கலாசார சீரழிவை சாடுவது நம் மண்ணின் மணம் இன்னும் மாறவில்லை என்பதை காட்டுகிறது

இக்கவிதையை பதிவேற்றம் செய்வதற்கு முன் எனக்கு சிறிது தயக்கம் இருந்தது.ஏனென்றால் பெண்களை குறை சொல்வதாக அமைந்திருப்பதால்.ஆனால் ஒரு பெண் இக்கவிதையைப் பாராட்டி பின்னூட்டம் இட்டதில் மகிழ்ச்சி அடைகிறேன்.அதற்காக என் தோழி ஸ்ரீமுகி அவர்களுக்கு என் மனமார்ந்த நன்றி.மேலும் அனைவரும் இந்தப் பெண்களே இப்படித்தான் என பொருள் கொள்ள வேண்டாம்.இப்படியும் சில பெண்கள் உள்ளனர் என்பதே ஆகும்.

பெண்கள் கண்ணியம் மிக்கவர்களாகவும்... நாட்டிற்குப் பெருமை சேர்ப்பவர்களாகவும் இன்று பெண்ணியம் மதிப்புக்குரியதாகவும் போற்றப்படும் சூழலிலும் பெண்களின் செயல்பாடுகளால் அவர்களின் புனிதம் கெட்டு வருகிறது என்பதும் உண்மையே.

சிறு குறைபாடுகளை முன்னிறுத்துவதுதான் படைப்புகளின் போக்கும் சிறப்பும்... அவர்களும் திருந்த வேண்டும் என்பதுதான் படைப்பாளியின் எண்ணம்...

கவிதைக்குப் பாராட்டுகள்...