பாதை வகுத்த பின்பு பயந்தென்ன லாபம்

பாதை வகுத்த பின்பு பயந்தென்ன லாபம்
அதில் பயணம் நடத்தி விடு
மறைந்திடும் பாவம்
--
சிந்தித்து முடிவெடுக்க வேண்டும்
முடிவெடுத்தபின் தயங்க கூடாது
இதுவே வெற்றி பெற்ற வீரனின்
மந்திரம் சொல்லாகும்
-
புறப்படும் வரை அம்பு பின் வாங்குகிறது
பாய்ந்த பின் தன் இலக்கை துளைக்காமல்
அது ஓய்வதில்ல
கொள்கைகளை,கோட்பாடுகளை
பயனங்களை பாதைகளை
நின்று நிதானித்து ஆராய்ந்துதெளிந்து
அளவிட்டு முடிவெடுப்போம்
-
ஆனால் பயணம் துவங்கியபின்
ஒரு கனமும் சலனம் இல்லாது தொடர்வோம்
பாதி வழியிலே நாம் பயப்படுவதால் லாபமென்ன?
-
அரைக் கினறு தாண்டியவன் ஒரு நொடி
தயங்கினால் அதள பாதாளத்தில் வீழ்வான்.
-
இரண்டு வகை பயம்.
-
ஒன்று தொடங்கியதை முடுப்போமோ?
வெற்றிக்கனி பறிப்போமோ?
இந்த அச்சம் இந்த கேள்விகள்
புதிய கேள்விகளை பிரசவிக்கிறது.
தோல்வியை சந்திப்போமா?
துவங்கியது முடியாதோ?
இந்த புதிய கேள்விகள் பிஞ்சு நெஞ்சில்
நஞ்சை ஊற்றுகின்றன
அதன் பதில்கள் முடியாது என சொல்லி
இதயத்தை நடுநடுங்கச் செய்கின்றது.
-
மற்றொரு பயம்,
-
தாமதமாகுமா?
வெற்றியைக் காணும் வரை என்னுயிர் தங்குமா?
நீ தாங்கமாட்டாய் நீ தங்கமாட்டாய் என
அச்சமெனும் அழிவுப் போய்களின் குரல்கள்
உள்ளத்தை உடைக்கின்றன
-
இந்த எதிர்மறையான அவலமான சிந்தனைகள்
தேவையா?
தொடங்குவது நமது வேலை
தொடர்வது நமது கடமை
வெற்றி அவன் முடிவு
முடிவு அவன் விருப்பம்
என விட்டு விட்டு நமது பாதையில்
பயணத்தை தொடர்வோம்.
நாம் முடிக்காமல் போகலாம்
நம்மால் முடியாமல் போகலாம்
நாமே முடிந்தும் போகலாம்
-
அதனால் என்ன பாதைகள் தொடரும்
பயணங்கள் தொடரும்
கொள்கைகள் தொடரும்
கோட்பாடுகள் தொடரும்
நாம் தொடர்ந்து செல்வோம்,
துணிந்து வெல்வோம்.
-
------------------------------------
--DrBALA SUBRA MANIAN