நகம் கடித்தல்

by முழுமுதலோன் Sat Apr 12, 2014 12:51 pm

நகம் கடித்தல்

நகம் கடித்தல் Ss

இது ஒரு நோயல்ல. பழக்கத்தில் வருவது. பொறுமை இல்லாமல் இருந்தாலோ, பொழுதுபோகாமல் இருந்தாலோ நகம் கடிப்பார்கள். இது குழந்தைகள் முதல் பெரியோர் வரை அனைவரையும் பாதிக்கும்.
நகத்தைக் கடிப்பதால் நகம் மொட்டையாகி கோணலாகி அழகிழந்து காணப்படும். நகம் ஒழுங்கில்லாமல் இருந்தாலும், அதைச் சரி செய்துவிடலாம் என்று சிலர் நகம் கடிப்பார்கள். கட்டை விரல் நகத்தைக் கடிப்பவர்கள்தான் அதிகமாக இருப்பார்கள். வேறு சிலர் பத்து நகங்களையும் பார்த்துப் பார்த்துக் கடிப்பார்கள். ஆண்களைவிட பெண்களே அதிகம் நகம் கடிப்பார்கள்.

நகம் கடிப்பவர்களுக்கு நகம் கடிக்காமல் இருக்க சில ஆலோசனைகள் இங்கே -

• நகம் கடிப்பதை வெறுக்கக் கற்றுக் கொள்ளுங்கள்.

•கண்ணாடி முன் நின்று நகம் கடிக்கும்போது உங்கள் முகபாவங்கள் எப்படியெல்லாம் மாறுகின்றன என்று பாருங்கள்.

•ஒவ்வொரு நாளும் நகம் கடிப்பது எங்கே, எப்போது, எப்படி, யாருடன் இருக்கும்போது நடக்கிறது என்பதைக் குறித்து வைத்து அவற்றைத் தவிர்க்க முயலுங்கள்.

•நகத்தை ஒட்ட நறுக்கி விடுங்கள்.

•நகம் கடிக்க எண்ணம் வரும்போது கைகளுக்கு வேறு வேலை கொடுங்கள்.

•எலுமிச்சம்பழச் சாறு, மிளகுத் தண்ணீர், வேப்பெண்ணெய் இவற்றில் ஒன்றில் கைவிரல்களை நனைத்து வையுங்கள்.

•கையுறை அணிந்து கொள்ளுங்கள்.

•கைவிரல்களில் மோதிரம் அணிந்து அதனைப் பிறர் பார்க்கும் வண்ணம் கைகளை வெளியில் வைத்துக் கொள்ளுங்கள்.

•பார்ப்பவர்கள் மோதிரத்தை மட்டும் பார்க்காமல் விரல் நகத்தையும் பார்ப்பார்கள் என்ற பயமிருக்கும்.

By -கோ.பக்கிரிசாமி,, திருத்துறைப்பூண்டி.
dhinamani

by ரானுஜா Sat Apr 12, 2014 2:45 pm

பகிர்வுக்கு நன்றீ

நகம் கடித்தல்

நகம் கடித்தல்

Re: நகம் கடித்தல்