அழகான வாழ்க்கை

அழகான வாழ்க்கை
யாருக்கு உண்டு
அகம் தூய்மையானால் மட்டும்
பேரானந்தம் உண்டு
பொய்யிலே கவி எழுதி
மெய்யிலே பொய் கலந்தால்
வலித்திடும் வாழ்க்கை என்றும்

யுகம் தோறும் வேதனை உண்டு
சுகம் வாழ வலிகள் தான் தடையாய் இன்று
எதை தேடி ஆறிடும் மனம்
நல் அன்பினில் கலந்திட்டால்
சுகந்தமாய் வாழலாம் தினம்
மனமெனும் கோயிலில் தான்
ஆயிரம் பூக்கள் மலரும்
அத்தனை பூக்களையும்
மனம் பேயாகி அழிக்க கூடும்
வாய்மையும் உண்மையும்
வழிபடும் திருவாய் ஆனால்
நெருங்கிடுமா யுத்த களம்
அன்னை போல் காக்கும் மனமே
உன் தரிசனம் ........!!!!
நேர் வழி பயணமானாலும்
விபத்துக்கள் நிகழ கூடும்
ஆசைகள் ஆட்டி வைத்து
மோகத்தில் யாகம் செய்யும்
உடல் மொழி உணர்வறிந்து
உயிர்மொழி பண்பு காத்தால்
உலகமே உன்னை தேடி வரும்
அறநெறி வாழ்க்கை என்றும் ஆனந்தம் தரும் ........!!!!

      

தன் குடும்பம் மானம் கௌரவம் பார்ப்பவன்
கடைசிவரை
தன்னையும் இழக்கிறான்
"குடும்பத்திற்காக "
குடும்பமோ அவனை
கடுகளவும் கணக்கில் எடுப்பதில்லை
/எழுதபடாத விதி /

பெற்று வளர்த்து வழிகாட்டும்
மட்டும்
எல்லா பிள்ளைகளோடும் ஒரே மாதிரியே
உணர்வாகும் தாய் தந்தை
முதுமையானபின் யாரோ ஒரு பிள்ளையோடு மட்டும்
வெட்டி போட்டாலும் ஒட்டி கொள்வதேன்
எல்லா தாய் தந்தையும் கடவுள்களே......!
கடவுளில் பிழையானால் பக்தன்
சொல்வதும்
உண்மை தவறுகளே ........!!!
புரிந்து கொள்ளுங்கள் அப்பாக்களே
நீங்கள் புரியாது போவதாலே தான்
உங்கள் பிள்ளைகளும் புரியாத வெறுமையோடு வாழ்கிறார்கள் ........!!!!

கடவுள் இருக்கிறாரோ இல்லையோ
தெரியவில்லை
ஆனால்
கடவுள் என்பவர் அவசியமாக தேவைபடுகிறார் ......!!!!
ஏனெனில்
மனிதம் தொலைந்து அதன் புனிதம்
அனுதினமும் புதைக்கபடுகிறது
பொய்கையான வாழ்க்கையிலே .......!!!!