மகிழ்ந்து வாழ்கிறது காற்று!

by kanmani singh Thu Jul 24, 2014 4:46 pm

உச்சி மரங்களில் ஊடாடி
உள்ளோடும் வேருக்குள் உள்ளோடி
காதலை தெளிக்கிறது காற்று!
காற்றோடு அலை பேச
கடலோடு உறவாட
உப்புக்குள்ளும் உறைந்து கிடக்கிறது காற்று
காதலின் சுவை சொல்ல!
மீனோடும் ஆறோடும்
மணலாடும் கரையோடும்
நீந்தி நீள்கிறது காற்று
காதலின் கடல் சேர!
பூக்களின் தேசமெங்கும்
வாசத்தை களவாடிச் சேர்க்கிறது காற்று
காதல் தேசத்தை வாசமாக்கி வசமாக்க!
மேகம் தீட்டும் வாண்ண ஓவியங்களை
கலைத்து களி காட்டுகிறது காற்று
காதலுக்கு தூது வேண்டி!
வண்ணமில்லை வாசமில்லை
வடிவமில்லை உருவமில்லை
கண்ணுக்கு எட்டுவதுமில்லை
கைக்கு சிக்குவதுமில்லை
காதலோடு கை கோர்த்து மயங்கி
மகிழ்ந்து வாழ்கிறது காற்று!

by sawmya Thu Jul 24, 2014 5:36 pm

மகிழ்ந்து வாழ்கிறது காற்று! கைதட்டல்

மகிழ்ந்து வாழ்கிறது காற்று!

மகிழ்ந்து வாழ்கிறது காற்று!

Re: மகிழ்ந்து வாழ்கிறது காற்று!