புதிதாக குடித்தனம் போகும் போது..

by முழுமுதலோன் Sat Aug 16, 2014 12:07 pm

திருமணமாகி புதிதாக குடித்தனம் போகும் தம்பதியினருக்கு புதிய வீட்டில் வைக்க என்னவெல்லாம் தேவை, அத்தியாவசியம் என்பதை அறிந்து அதனை வாங்க வேண்டும். எல்லாமே தேவைதான் என்று கூறி எல்லாவற்றையும் ஒரு சேர வாங்காமல், குறிப்பிட்ட பொருட்களை முதலில் வாங்குவது சிறந்தது.

திருமணத்தின் போது பொதுவாக பெண் வீட்டில் வீட்டுக்குத் தேவையானவற்றை எல்லாம் வாங்கி கொடுப்பார்கள். எனினும், புது வீட்டுக்கு தேவையான சில அடிப்படை விஷயங்களை வாங்க வேண்டியது இருக்கும் நபர்கள், அதனை எல்லாம் ஒரு பட்டியல் தயாரித்து, அதில் மிக மிக அவசியமானவற்றை குறித்துக் கொள்ளுங்கள்.

வீட்டுக்கு குடி போகும் போது அதை எல்லாம் வாங்கி வைத்துக் கொள்ளுங்கள். அவசியமில்லாத, ஆனால் தேவையான பொருட்களை மாதந்தோறும் ஒரு பொருள் என்ற அளவில் வாங்கி வைத்தால் ஒரே நேரத்தில் அதிகளவு பொருளாதார செலவு ஆகாமல் தவிர்க்கலாம்.

புதிதாக குடி போகும் போது வீட்டை நல்ல முறையில் பராமரிக்கத் தேவையான பொருட்களை முதலில் வாங்கி வைத்துக் கொள்ளுங்கள். அதேப்போல சில செலவினங்களை தவிர்க்கும் பொருட்களையும் முக்கியத்துவம் கொடுத்து வாங்குங்கள்.

மேலும், சில சமயங்களில் பண்டிகைக் கால சலுகைகள் எல்லாம் அறிவிப்பார்கள். போனஸ் போன்றவை கொடுக்கும் போது அதைப் பயன்படுத்தி வீட்டுக்குத் தேவையான பொருட்களை வாங்கிக் கொள்ளலாம்.

எனவே, கடன் பெற்று பொருட்களை வாங்குவதை விடவும், சேமிப்பில் இருந்து பெரிய தொகையை எடுத்து செலவு செய்வதை விடவும், திட்டமிட்டு சிறிது சிறிதாக பொருட்களை வாங்குவது நல்ல பலனைத் தரும்.

dinamani