வீட்டின் அலங்காரத்துக்காக என்னென்ன மீன்களை வளர்க்கலாம்?

மீன் தொட்டியின் அளவைப் பொறுத்தே வண்ண மீன்கள் வளர்ப்பதைத் தீர்மானிக்க முடியும். ஒரு அடி முதல் 10 அடி வரை தொட்டிகள்  கிடைக்கின்றன. வீட்டில் வளர்க்க, 12 இன்ச் முதல் 5 அடி வரை உள்ளவற் றைப் பயன்படுத்தலாம். ஒரு அடி நீளம் உள்ள தொட்டியில் சின்ன சைஸ்  மீன்கள் என்றால் 6 வளர்க்கலாம். பெரிய மீன்கள் என் றால் 2 போதும். அளவுக்கு அதிக மீன்களை தொட்டியில் விட்டால் இட நெருக்கடியால்  சுவாசிக்க முடியாமல் மீன்கள் மடிந்துவி டும். தண்ணீரும் அழுக்காவதால் அடிக்கடி மாற்ற வேண்டியிருக்கும்.

குளோரின் கலந்த தண்ணீர் ஆபத்தானது. போர்வெல், கிணற்றுத் தண்ணீரில் வளர்க்கலாம். சிலர் கடைகளில் இருந்து மீன்களை பிளாஸ்டிக் கவரில் வாங்கி வந்து, அப்படியே தொட்டியில் விட்டுவிடுவார்கள். இதனால் மீன்கள் இறந்து போகும் வாய்ப்புகள் இருக்கின்றன. அந்தக் கவரை அப்படியே   தொட்டியில் போட்டு, சாதாரண வெப்பநிலைக்கு வந்த பிறகே, மீன்களை தொட்டியில் விடவேண்டும். இப்போது கோல்டு ஃபிஷ் வகை ஜோடி 20  ரூபாய்க்குக் கிடைக்கிறது.

கப்பீஸ், டெட்ரா, பிளாட்டி ரெட், மாலிஸ், டைகர் ஷார்க் போன்ற மீன்வகைகள்  ஜோடி 10 ரூபாயிலிருந்து கிடைக்கின்றன. கோல்டு ஃபிஷ்ஷில் ரகம்  ரகமாகக் கிடைக்கும் மீன்களை தனித் தொட்டியில் விடலாம்.  இவற்றுடன் வேறு இனத்தைச் சேர்ந்த மீன்களை விட்டால் கோல்டு ஃபிஷ் இறந்து  போகும். டைகர் ஷார்க், ஆல்பினோ ஷார்க்  போன்றவற்றை ஒரே தொட்டியில் விடலாம். கப்பீஸ், பிளாட்டி, டெட்ரா வகைகளையும் ஒரே தொட்டியில்  விடலாம். சிச்லிட்ஸ்  இனத்தில் ஏஞ்சல், பேரட் ஃபிஷ், ஆஸ்கர் ஃபிஷ் என நிறைய இருக்கிறது.

இவற்றையும் ஒன்றாக வளர்க்கலாம். அரவணா என்கிற  வாஸ்து மீன் 800 ரூபாயிலிருந்து கிடைக்கிறது. இந்த மீன் இருக்கும் தொட்டியில் மற்ற  மீன்களை விடக் கூடாது. மீன் தொட்டியை க்ளீன் செய்யும் சக்கர் மௌத் மீன்களை எல்லாத் தொட்டிகளிலும்  விடலாம். ஃபைட்டர் மீன்களை  கண்ணாடிக் குடுவையில் தனியாக வளர்க்க வேண்டும்.

நன்றி: தினகரன்

அறிய தந்தமைக்கு நன்றி அண்ணா