திடீரென கேஸ் வாசனையை உணர்ந்தால்

by செந்தில் Wed Sep 10, 2014 2:04 pm

திடீரென கேஸ் வாசனையை உணர்ந்தால்
1, கேஸ் சிலிண்டர் குமிழையும், கேஸ் அடுப்பின் குமிழையும் நன்றாக மூடவே வேண்டும். சிலிண்டரின் பாதுகாப்பு மூடியையும் மூட வேண்டும்.

2, எரிந்து கொண்டிருக்கும் பூஜை விளக்குகள் போன்றவற்றை அணைக்க வேண்டும்.

3, சமையலறையின் ஜன்னல் கதவுகளையும், வெண்டிலேட்டர்களையும் திறந்து வைக்க வேண்டும்.
4, எந்த சுவிச்சுகளையும் போடக்கூடாது.

5, தேவையென்றால் கேஸ் வினியோகிப்பவரையும் தொடர்பு கொள்ள வேண்டும்.

6, எக்ஸாஸ்ட் ஃபேன் கட்டாயம் போடக்கூடாது.

கேஸ் அடுப்பு இருக்குமிடத்தில் மின்விசிறிகள் அருகிலிருக்கும் சன்னல்களுக்குத் திரைகள் இவை இல்லாமலிருப்பதே நல்லது.

சிலிண்டரிலோ, அல்லது அடுப்பிலோ ஏதாவது பழுது ஏற்பட்டால் சரிபார்க்க நாமே முயற்சி செய்யக்கூடாது. வினியோகஸ்தர் மூலமாகவே பழுது நீக்கம் செய்ய வேண்டும். கேஸ் தீர்ந்ததும் சிலிண்டரை தேர்ச்சி பெற்றவர்களை கொண்டே மாற்றவேண்டும்.

அடுப்பு உபயோகத்தில் இல்லாதபோது சிலிண்டரின் வால்வை மூடியே வைக்கவேண்டும்.

சமைக்கும் போது கேஸ் அடுப்பு எரிவது நின்றுவிட்டால், உடனே சிலிண்டர் வால்வை மூட வேண்டும். பிறகு அடுப்பின் வால்வையும் மூடிவிட்டு சமையலறையின் சன்னல்களையும், கதவுகளையும் திறந்து, கசிந்து வாயு வெளியேறச் செய்யவேண்டும். பிறகே அடுப்பை மீண்டும் பற்றவைக்க வேண்டும்.
நன்றி -மின்சார உலகம்