கூந்தல் மீது நம் அக்கறை திரும்புவதில்லை.

[You must be registered and logged in to see this image.]


‘எண்சாண் உடம்புக்கு சிரசே பிரதானம்’ என்பார்கள். அந்த சிரசுக்கே பிரதானமானது கூந்தல். உலகிலேயே மிகவும் விலை உயர்ந்த ஆபரணம் கூந்தல்  என்றொரு பழமொழியே இருக்கிறது. விலை மதிக்கத்தக்க அந்த கூந்தலை, மதிக்கிறோமா? சரியாகப் பராமரிக்கிறோமா? ‘இல்லை’ என்பதே பலரின்  பதிலாகவும் இருக்கும்.மற்ற எல்லா நோய்களையும் போலத் தான்.... கூந்தலிலும் பிரச்னை என ஏதேனும் ஒன்று வந்தால் தவிர, அதன் மீது நம்  அக்கறை திரும்புவதில்லை.

கூந்தலைப் புரிந்து கொள்ளவும், இருக்கும் போதே அதன் அழகையும் ஆரோக்கியத்தையும் கட்டிக் காப்பாற்றவும் உங்களுக்கு வழிகாட்டுவதே இந்தப்  பகுதியின் நோக்கம். கூந்தல் ஆரோக்கியம், சிகிச்சை, அழகுப் பராமரிப்பு எனப் பல விஷயங்களையும் உங்களுடன் பகிர்ந்து கொள்வார்கள் நிபுணர்கள்.

கூந்தலைப் பற்றிய அறிமுகத்துடன், கொஞ்சம் அறிவியலும் சேர்த்துப் பேசுகிறார் ட்ரைகாலஜிஸ்ட் தலத் சலீம்.‘‘பாலூட்டிகளிடம் மட்டுமே  காணப்படுகிற ஒரு சிறப்பம்சம் கூந்தல். வேறு எந்த உயிரினத்துக்கும் கேசம் கிடையாது.  கூந்தல் என்பது ஒருவித புரத இழை. இது சருமத்தில் உள்ள  ஃபாலிக்கிள் எனப்படுகிற குழிகளில் இருந்து வெளிக் கிளம்பி வளரக் கூடியது.

கூந்தலானது சருமத்துக்கு வெளியே உள்ள பகுதி, உள்ளே உள்ள பகுதி என இரண்டாகப் பிரிக்கப்பட்டிருக்கிறது. வெளிப்புறப் பகுதியை தண்டு  என்றும்உள்ளே புதைந்திருக்கும் பகுதியை வேர் என்றும் சொல்கிறோம். வேர்களின் பெருத்த அடிப்பகுதியை ‘ஹேர் பல்ப்’ என்கிறோம். மனித உடலில்  உள்ளங்கைகளையும் உள்ளங்கால்களையும் தவிர மற்ற எல்லா பாகங்களிலும் ரோமங்கள் இருக்கும்.

எல்லோராலும் விரும்பப்படுகிற இந்தக் கூந்தலானது உயிரற்றது என்றால் நம்புவீர்களா?

ஆமாம்... ஆனாலும், அதை நீங்கள் பராமரிக்கிற முறையில் ஆரோக்கியமாகவும் அழகாகவும் வைத்துக் கொள்ள முடியும்.கூந்தலானது கரோட்டின்  என்கிற ஒருவித புரதத்தால் ஆனது. கூந்தலில் 3 படலங்கள் இருக்கின்றன. அது நம் கண்ணுக்குத் தெரியாது. கிராபிக்ஸ் உபயத்தில் டி.வி ஷாம்பு  விளம்பரங்களில் அதைப்பார்த்திருக்கலாம்.

கியூட்டிகல் (cuticle) எனப்படுகிற வெளி லேயரானது உயிரற்றது. டிரான்ஸ்பரன்ட்டானது. இரண்டாவது படலம் கார்டெக்ஸ் (cortex). மூன்றாவது  படலம் மெடுல்லா (medulla). ஒரு முடி அடர்த்தியாக இருப்பதற்கும், மெலிதாக இருப்பதற்கும் மெடுல்லா உதவுகிறது. கூந்தலின் வளர்ச்சியை மூன்று  வகைகளாகப் பிரிக்கலாம். அவை...

1. அனாஜன் (anagen)

இதை வளரும் பருவம் என்றே சொல்லலாம். இந்தப் பருவத்தில் 28 நாட்களில்   1   செ.மீ. அளவு முடியின் வளர்ச்சி இருக்கும். இந்த வளர்ச்சிப்    பருவமானது 2 முதல் 7 வருடங்கள் வரை நீடிக்கும். அது பரம்பரையாகத் தீர்மானிக்கப்படுவது.

2. காட்டஜன் (catagen)

அனாஜன் சுழற்சி முடிவில் இருந்து காட்டஜன் பருவத்துக்கு மாறும். இது ஒன்று அல்லது இரண்டு வாரங்களே நீடிக்கும்.  மொத்த கூந்தலின் நீளம் குறையும். முடி உதிர்வும் இருக்கும் .

3. டெலோஜன் (telogen)

இது ஓய்வெடுக்கும் பருவம். 5 முதல் 6 வாரங்கள் நீடிக்கும்.கூந்தல் வளராது. ஆனால், ஃபாலிக்கிள் பகுதியுடன் இணைக்கப்பட்ட நிலையில் அப்படியே  இருக்கும்.  மொத்த கூந்தலில்
10 முதல் 15 சதவிகித முடியானது ஒரே நேரத்தில் டெலோஜன் பருவத்தை சந்திக்கும். இந்த சுழற்சி முடிந்து மீண்டும் அனாஜன் நிலைக்குத்  திரும்பும்.

முடி உதிர்ந்த இடத்தில் புதிதாக வேறு முடி வளர்கிறது. ஒரு நாளில் மட்டும் நமது தலையில் 0.4 மி.மீ. அளவு முடி வளருகிறது. நக  வளர்ச்சியைவிட இது 4 மடங்கு அதிகம்! மன அழுத்தத்துக்கும் முடி உதிர்வுக்கும் நெருங்கிய தொடர்புண்டு. அதிலும் வார்த்தை வன்முறைகளால்  பாதிக்கப்படும் போது, முடி வளர்ச்சி பெரிதும் பாதிக்கப்படுகிறது...’’

நன்றி: தினகரன்

வார்த்தை வன்முறைகளால்  பாதிக்கப்படும் போது, முடி வளர்ச்சி பெரிதும் பாதிக்கப்படுகிறது

நம்ம செந்திலுக்கு முடி எதனால கொட்டுச்சுன்னு இப்ப தெரிஞ்சுகிட்டேன்

நம்ம செந்திலுக்கு முடி எதனால கொட்டுச்சுன்னு இப்ப தெரிஞ்சுகிட்டேன்

 

அக்கறை திரும்புவதில்லை ஆனால் ஆணின் பார்வை திரும்பிவிடுகின்றது...